Belgili sport komentatory, aqparat salasynyń úzdigi Amankeldi Seıithan keshe, 52 jasynda dúnıeden ozdy.
Qazaqstan prezıdenti Qasym-Jomart Kemeluly belgili jýrnalıs Amankeldi Seıithannyń otbasy men jaqyn týystaryna kóńil aıtty dep habarlaıdy Almaty-akshamy.kz
Bul týraly memleket basshysynyń baspasóz hatshysy Berik Ýálı habarlady.
«Belgili jýrnalıs, sport komentatory Amankeldi Seıithannyń dúnıeden ótýine baılanysty aýyr qaıǵyǵa ortaqtasyp, kóńil aıtamyn. Amankeldi Mýatqanuly qazaq sport jýrnalısıkasynyń damýyna ólsheýsiz úles qosty. Onyń esimi el esinde máńgi saqtalyp, qazaq televızıasynyń tarıhyna altyn áriptermen jazylaryna senimdimin. Marqumnyń aldy peıish, arty kenish bolsyn» - dep jazylǵan Prezıdenttiń kóńil aıtý jedelhatynda.
Kórermenniń kóńilinde «jeńisti kúnderde jolyqqansha» degen sózimen jattalyp qalǵan sport komentatory, qazaq televızıasynyń ardageri, Amankeldi Seıithan 52 jasta edi. Ol 1969 jyly 11 mamyrda Shyǵys Qazaqstan oblysy Maqanshy aýdanynda dúnıege kelgen.