Almatydaǵy áıgili «Medeý» bıik taýly sport kesheni 2025 jylǵy 17-21 aqpan aralyǵynda kónkımen júgirýden Qazaqstan Respýblıkasynyń fınaldyq kýbogy men komandalyq chempıonatyna esik ashady. Bul jarys elimizdiń jetekshi sportshylaryn jınap, olardyń sheberligin anyqtaıtyn mańyzdy sporttyq shara bolmaq, dep habarlaıdy Aqshamnews.kz
Jarys baǵdarlamasy
Tórt kúnge sozylatyn jarys eki kezeńnen turady:
17-18 aqpan – jeke jarystar:
500 m
1000 m
1500 m
3000 m / 5000 m
20-21 aqpan – komandalyq jarystar:
Komandalyq sprınt
Komandalyq júgirý
Genderlik júgirý
Mass-start
Bul jarysqa Qazaqstannyń myqty kónkıshileri qatysyp, ulttyq chempıon ataǵy úshin baq synaıdy.
Jappaı syrǵanaýǵa ózgerister engiziledi
Jarys kúnderi «Medeý» muz aıdynynda jappaı syrǵanaýdyń keıbir seanstary toqtatylady:
17, 18, 20 jáne 21 aqpan kúnderi – 1-seans (10:00–12:30) jáne 2-seans (13:30–16:30) bolmaıdy.
19 aqpan kúni – 1-seans (10:00–12:30) ótkizilmeıdi.
Sondyqtan, kelýshiler muz aıdynyna barýdy aldyn ala josparlaǵany jón.
Jankúıerlerge tamasha múmkindik
Almatylyqtar men qala qonaqtary osy jarysty tamashalap, elimizdiń úzdik kónkıshilerine jankúıer bolýǵa shaqyrylady. Bul Qazaqstanda kónkı sportynyń damýyna qoldaý bildirýmen qatar, sportshylarǵa erekshe kóńil-kúı syılaıtyn tamasha múmkindik bolmaq.
Qosymsha aqparat:
Baılanys: +7 778 873 797 («Medeý» BTSK baspasóz qyzmeti)
Elektrondy poshta: dss3041@mail.ru
