Aýdannyń jol jáne kólik ınfraqurylymyn jetildirý jumystary qarqyndy júrgizilýde.
Bul týraly Almaty qalasynyń ákimi Erbolat Dosaevtyń Medeý aýdany turǵyndarymen ótken kezdesýinde aıtyldy, dep habarlaıdy Almaty-akshamy.kz.
2022 jyly 27 km-den astam jolǵa ortasha jóndeý, sondaı-aq 32,5 myń sharshy metr jolǵa aǵymdaǵy jóndeý júrgizildi, 18 km-den astam trotýar jaılastyryldy.
2023 jyly 37 kóshedegi 32 km-den astam joldy ortasha jóndeý, sondaı-aq 50 myń sharshy metr joldy aǵymdaǵy jóndeý jáne 16 kóshede 18,5 km trotýar salý josparlanǵan.
«Medeý aýdanynda qoǵamdyq kólik jumysynyń sapasyn jaqsartý úshin 2022 jyly qalalyq tasymaldaýshylar 225 jańa avtobýs satyp aldy. Osylaısha, 20 marshrýttaǵy avtobýstar jańartylyp, bir jańa marshrýt iske qosyldy (№100).
Bıyl 8 marshrýtta 126 avtobýsty jańartýǵa nıettimiz. Jańa avtobýstardyń satyp alynýyna qaraı jumys jyl sońyna deıin josparly túrde júrgiziledi», - dedi qala ákimi E.Dosaev.