Pavılonda turaqty jumys isteıtin kórmeler, óner galereıalary, ulttyq taǵamdar meıramhanasy, jármeńkeler, qazaqstandyq taýarlardy, kádesyı ónimderin satý oryndary bar.
QR Saýda jáne ıntegrasıa vıse-mınıstri Qaırat Tórebaev Máskeý qalasyndaǵy QR Saýda ókildiginde jumys saparymen boldy, dep habarlaıdy Almaty-akshamy.kz atalǵan mınıstrliktiń baspasóz qyzmetine silteme jasap.
Jumys keńesi barysynda Saýda ókildiginiń jumys qorytyndylary, aǵymdaǵy kezeńge arnalǵan josparlar, sondaı-aq 2022 jylǵa arnalǵan josparlar talqylandy.
Saýda ókildigi federaldy mańyzy bar mádenı mura obektisi bolyp tabylatyn Halyq sharýashylyǵy jetistikteri kórmesindegi (HSHJK) Qazaqstan Respýblıkasynyń pavılonyna barýdy uıymdastyrdy. Pavılondy aralaý sheginde Vıse-mınıstr Q. Tórebaev pavılon dıreksıasymen jumys isteý, is-sharalardy ótkizý múmkindigi, pavılonnyń saýda-kórme alańynyń toltyrylýy jáne t.b. máselelerdi talqylady.
Qazaqstan pavılonynyń ashylýy respýblıka úshin ekonomıkalyq tıimdi jáne perspektıvaly baǵyt bolyp tabylady, óıtkeni jyl saıyn HSHJK-ǵa 32 mıllıonnan astam adam keledi. Pavılonda turaqty jumys isteıtin kórmeler, óner galereıalary, ulttyq taǵamdar meıramhanasy, jármeńkeler, qazaqstandyq taýarlardy, kádesyı ónimderin satý, sondaı-aq dıasporalarmen kezdesýler jáne qazaqstandyq kınematograftyń fılmografıasynyń kórsetilimi bolady dep josparlanýda.