Burynǵy prezıdent Bishkek qalasyna jetkizilgennen keıin dereý Vedomstvoaralyq tergeý tobyna berildi.
Qyrǵyzstannyń burynǵy prezıdenti Asqar Aqaev Bishkekke jetkizildi, dep habarlaıdy Almaty-akshamy.kz QazAqparat saıtyna silteme jasap.
Buǵan deıin habarlanǵandaı, «Qumtór» jobasyn iske asyrý kezindegi sybaılas jemqorlyq faktileri boıynsha eldiń burynǵy prezıdenti Asqar Aqaevqa izdeý jarıalanǵan bolatyn.
Asqar Aqaev joǵary laýazymdy ózge sheneýniktermen qatar 1992 jyly «Qumtór» jobasy boıynsha Bas kelisim jasaý, 1994 jyly oǵan ózgerister engizý, sondaı-aq 2003 jyly «Kameko» kompanıasymen Bas kelisimdi qaıta qurylymdaý kezindegi sybaılas jemqorlyq faktisi boıynsha qylmystyq jaýapqa tartyldy.
Osylaısha, Asqar Aqaevtyń prezıdenttigi kezeńinde «Qumtór» jobasyn iske asyrýdaǵy jemqorlyqqa qatysy bar barlyq kináli tulǵaǵa quqyqtyq baǵa berildi.
«Sonymen qatar Qyrǵyz Respýblıkasynyń UQMK-men birlesken tergeý barysynda Asqar Aqaevty respýblıka aýmaǵyna jetkizý jolymen ony qylmystyq jaýaptylyqqa tartý bóliginde tarıhı ádilettilikti qalpyna keltirýge baǵyttalǵan belsendi jumys júrgizildi.
UQMK qabyldaǵan sharalar nátıjesinde 2021 jylǵy 2 tamyzda burynǵy prezıdent Asqar Aqaev Bishkek qalasyna jetkizilip, keıin dereý Vedomstvoaralyq tergeý tobyna berildi.
Asqar Aqaev qazir UQMK ǵımaratynda. Onda onyń qatysýymen «Qumtór» ken orny boıynsha qylmystyq is sheńberinde qajetti tergeý áreketteri júrgiziledi.
«Júrgizilgen tergeý áreketteriniń nátıjeleri jáne qylmystyq is boıynsha, onyń ishinde A.Aqaevqa qatysty qabyldanǵan prosesýaldyq sheshimder týraly, UQMK jurtshylyqty qosymsha habardar etetin bolady», - delingen «Kabar» aqparatynda.
Eske sala keteıik, 2005 jyldyń naýryz aıyndaǵy tóńkeristen keıin Asqar Aqaev Reseıge qashyp ketken bolatyn jáne osy kúnge deıin sonda boldy.