Sebebi epıdahýal áli de ýshyǵyp tur.
Bul Almaty qalalyq kásipkerler palatasynyń usynysy, dep habarlaıdy Almaty-akshamy.kz
Ótken táýlikte koronavırýs 1540 adamnan anyqtalǵan. Al tamyz aıynda 34 myńnan asa adam aýrý juqtyrady degen boljam bar. Almaty qazir «qońyr-qyzyl aımaqta». Aldaǵy eki apta boıy birqatar nysan jumys kúnderi keshki segizge deıin, al «Ashyq kóshbasshylary» túngi onǵa deıin jumys isteıdi. Biraq demalys kúnderi jumysyn toqtatady.
Bul shekteýlerdiń dárihanalar, azyq-túlik dúkenderi men ákimdikter, quqyq qorǵaý organdary men buqaralyq aqparat uıymdaryna qatysy joq. Barlyq sporttyq, otbasylyq sharalar qatań baqylaýda bolady.
«Ótken aptada koronovırýs ınfeksıasyn juqtyrý aldyńǵy aptamen salystyrǵanda 1,5 ese ósti. Iaǵnı bir aptada 9852 adam vırýs juqtyrǵan. Al táýliktik ósim 1,7 prosentke artyp otyr. Naýqastardyń jasy boıynsha jasalǵan qorytyndyǵa sáıkes aýrý juqtyrýdyń negizgi kórsetkishi egde jastaǵy azamattarǵa tıesili. Odan bólek, jasóspirimder arasynda vırýs juqtyrý 0,7 prosentke óskenin aıta ketý kerek», -dedi «Habar 24» saıtyna suqbat bergen qalalyq SEBD basshysynyń orynbasary Ásel Qalyqova.