Memleket basshysy Qasym-Jomart Toqaev «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda bilikti medısınalyq mamandardyń tapshylyǵy máselesiniń ózektiligin jáne medısına salasyndaǵy bilim sapasyn barynsha arttyrý qajettigin atap ótti.
Osy oraıda, Kardıologıa jáne ishki aýrýlar ǵylymı-zertteý ınstıtýty 1977 jyly qurylǵan kúnnen bastap ǵylymı-tájirıbelik densaýlyq saqtaý kadrlaryn daıyndap kele jatqanyn aıtqym keledi.
Jumystyń úsh negizgi baǵytynyń – ǵylym, bilim jáne klınıkalyq tájirıbeniń úılesimdiligi zamanaýı densaýlyq saqtaýdyń qajettilikteri men talaptaryna sáıkes keletin bilim berý baǵdarlamalary negizinde joǵary bilikti mamandardy daıyndaýǵa múmkindik beredi.
2023 jyly ınstıtýt tanylǵan akredıtteý organdarynyń bilim berý qyzmetin baǵalaýynan taǵy da ótti. Gastroenterologıa, revmatologıa, alergologıa jáne ımmýnologıa, pýlmonologıa, terapıa boıynsha bilim berý baǵdarlamalary akkredıttelgen. Saraptamalyq komısıa KİAǴZI Qazaqstandaǵy úzdik medısınalyq ǵylymı ınstıtýttardyń biri retinde joǵary oqý ornynan keıingi bilim berý sapasyn, sondaı-aq turaqty damýdy qamtamasyz etýde jetistikter kórsetkenin atap ótti. Sarapshylardyń oń baǵasyna eń aldymen ınstıtýttyń korporatıvtik qundylyqtary, sondaı-aq rezıdentýranyń bilim berý baǵdarlamalaryn júzege asyrý úshin klınıkalyq bazalardyń biregeıligi áser etti.
Bıyl «Endokrınologıa (eresekter, balalar)» bilim berý baǵdarlamasy boıynsha bilim alǵan rezıdentter oqýyn bitirip, bilim qujattaryn aldy. Endi olar alǵan bilimderi men daǵdylaryn is júzinde qoldanýǵa daıyn.
Jumys berýshilerdiń pikirleri boıynsha, ınstıtýttyń túlekteri bilim men praktıkalyq daǵdylardyń jaqsy deńgeıin kórsetedi. Kardıologıa jáne ishki aýrýlar ǵylymı-zertteý ınstıtýtynyń túlekterine degen joǵary suranysty olardyń elimizdiń praktıkalyq densaýlyq saqtaý uıymdarynda 100% jumysqa ornalasýy dáleldeıdi.
2024-2025 oqý jyly rezıdentter sany aıtarlyqtaı ósti. Rezıdentýraǵa 8 klınıkalyq mamandyq boıynsha 76 adam tústi, onyń 55-i memlekettik bilim berý tapsyrysy boıynsha, 16-sy jergilikti atqarýshy organdardyń búdjetinen, 5-i aqyly oqıdy. Bıylǵy qyrkúıektegi jaǵdaı boıynsha ınstıtýttyń rezıdentýrasynda 149 adam bilim alýda.
Eń qajetti de ıgilikti mamandyqty tańdaǵan rezıdentterimiz ben jas dárigerlerimiz dáriger degen atqa laıyq bolyp, el halqynyń densaýlyǵyn saqtaıdy degen senimdemin, — deıdi Kardıologıa jáne ishki aýrýlar ǵylymı-zertteý ınstıtýtynyń basqarma tóraǵasy Marat Pashımov.