Bul sheshim fýtbol qaýymdastyǵy men sportsúıer qaýym úshin mańyzdy oqıǵa boldy.
Marat Omarov Qazaqstan Fýtbol Federasıasynyń (QFF) jańa prezıdenti bolyp saılandy, dep habarlaıdy aqshamnews.kz
Osyǵan deıin kandıdattardyń biri Davıd Lorıa óz kandıdatýrasyn Marat Omarovtyń paıdasyna alyp tastady. Lorıa bul sheshimdi elimizdegi fýtboldyń qazirgi jaǵdaıyna tereń taldaý jasap, júıeli máselelerdi sheshe alatyn, memlekettik basqarýda tájirıbesi bar tulǵanyń qajettiligimen túsindirdi.
Marat Omarovtyń ómirbaıanyna kóz júgirtsek, ol 1985 jyly dúnıege kelgen. Ál-Farabı atyndaǵy Qazaq Ulttyq ýnıversıtetin jáne QazMZÝ zań akademıasyn támamdaǵan. Memlekettik qyzmette jáne sport salasynda aıtarlyqtaı tájirıbe jınaǵan. Omarov bala kezinen fýtbolǵa qyzyǵýshylyq tanytyp, sportty ómiriniń ajyramas bóligine aınaldyrdy.
Osyǵan deıin Marat Omarov túrli memlekettik laýazymdarda qyzmet etip, strategıalyq máselelerdi sheshýdegi qabiletimen tanyldy. QFF prezıdenti retinde ol fýtbol ınfraqurylymyn damytýǵa, balalar men jasóspirimder sportyn qoldaýǵa jáne ulttyq quramanyń jetistikterin arttyrýǵa erekshe kóńil bólýdi josparlap otyr.
Lorıanyń sheshiminen keıin Omarov saılaýdaǵy basty favorıtke aınalǵany anyq edi. Onyń jeńisi kóptegen úmitti aqtap, bolashaqqa degen senimdi arttyrdy.
Marat Omarovtyń komandasy onyń tabysty jumys isteýiniń negizgi kepili bolmaq. Bul jolda oǵan tek fýtbol salasynyń kásibı mamandary ǵana emes, barsha sportsúıer qaýym qoldaý kórsetedi dep senemiz.