Kókke oranǵan Almatynyń keıbir aǵashy halyqaralyq dostyqtyń jemisi ekenin bilesiz be? Ásirese sakýralarǵa toqtalsaq, bul - japon halqy men almatylyqtardyń arasyndaǵy dıplomatıanyń aıǵaǵy. Qalada mundaı qansha aǵash bar? Ony Almatyǵa kim syılady? Tolyǵyraq aqshamnews.kz materıalynda.
Esentaı jaǵasyndaǵy 100 sakýra
2019 jyly Esentaı ózeni boıynda sakýralar jaıqalyp shyǵa keldi. Japonıanyń Tokyo Rope International kompanıasy Almatyǵa erekshe syı jasady. Sol jyly kompanıa prezıdenti Sato Kazýnorı bastaǵan delegasıa óz qolymen 100 sakýra kóshetin otyrǵyzdy.
Onkologıa ınstıtýtyndaǵy sakýra baǵy
2022 jyly QazORǴZI aýmaǵynda da sakýralar egildi. Bul joly bıofarmasevtıkalyq alpaýyt – Takeda Kazakhstan demeýshilik kórsetti. Sakýralarmen qatar 50-ge jýyq butalar egildi: olardyń ishinde host gúli, arsha, vangýt spıreıasy, qyzyl bóriqaraqat, raýshan, gortenzıa sıaqty sándik ósimdikter bar.
Sátbaev sakýrasy
Bıyl Ǵylym kúninde Ulttyq ǵylym akademıasynyń aýlasynda erekshe sımvolıkalyq oqıǵa boldy – «Sátbaev sakýrasy» qaıta otyrǵyzyldy. Bul aǵashtar 1960-jyldary akademık Qanysh Sátbaevqa japon delegasıasy syılaǵan alǵashqy sakýralardyń tarıhı jalǵasy. Jańa otyrǵyzylǵan túrler – Kanzan men Kiku-Shidare – ǵylym men mádenıettiń baılanysyn bildiretin eskertkish.
Tuńǵysh Prezıdent saıabaǵyndaǵy japon baǵy
2015 jyly Tuńǵysh Prezıdent saıabaǵynda “Japon baǵy” ashyldy. Munda sakýralarmen birge japon úıeńkileri men qyrym qaraǵaılary otyrǵyzylǵan. Ár element – muqıat tańdalǵan: tastar, sý aǵysy, ósimdikter – bári japon mádenıetiniń bir bólshegi ispetti.
Aıta keteıik, almatylyqtar da qalany kógaldandyrýǵa belsendi qatysady. Bıylǵy kóktemgi senbilikte Almatyda 10 myń túp aǵash otyrǵyzyldy. Esentaı ózeniniń boıyna alma men almurttyń kópjyldyq kóshetteri egildi.