Bul týraly Óńirlik komýnıkasıalar qyzmetiniń brıfıńinde Almaty qalasy Áleýmettik medısınalyq saqtandyrý qorynyń dırektory Tileýhan Ábildaev málim etti, dep habarlaıdy Almaty-akshamy.kz.
Ol Qor 2017 jyldan bastap mindetti medısınalyq saqtandyrýǵa qarajat jınaqtap kele jatqanyn, al 2018 jyldan bastap tegin medısınalyq kómektiń kepildik berilgen kólemi (TMKKK) sheńberinde, sondaı-aq 2020 jyldyń 1 qańtarynan bastap mindetti medısınalyq saqtandyrý júıesi aıasynda medısınalyq kómekti strategıalyq satyp alýshy ekenin eske saldy.
«2022 jyldyń 5 aıynda MÁMS júıesine túsimder 398,4 mlrd teńgeni qurady. Túsimderdiń negizgi úlesin 15 jeńildik sanaty úshin memlekettiń jarnalary quraıdy - bul 42%-dan astam, jumys berýshilerdiń aýdarymdary - 34,7%-dan astam jáne ekonomıkalyq belsendi halyqtyń jarnalary - 22,6%», - dep atap ótti T. Ábildaev.
Óńirler boıynsha eń kóp kirister Almaty, Nur-Sultan qalalary men Qaraǵandy jáne Shyǵys Qazaqstan oblystaryna tıesili.
Spıker MÁMS-tiń engizilýimen turǵyndar úshin konsýltasıalyq-dıagnostıkalyq kómektiń qoljetimdiligi artqanyn basa aıtty.
Megapolıs turǵyndaryna arnaǵan sózinde T.Ábildaev medısınalyq uıymdar tarapynan quqyq buzylǵan jaǵdaıda kez kelgen qala turǵyny paıdalana alatyn keri baılanys arnalaryn atady. Atap aıtqanda, Qoldau24/7 mobıldi qosymshasy, 1406 biryńǵaı baılanys ortalyǵy jáne resmı saıt fms.kz. barlyq ótinishter mindetti túrde qarastyrylady.