Pavlodar oblysy ákiminiń baspasóz qyzmetiniń málimetinshe, «Maıqaıyń-altyn» AQ taý-ken aýmaǵynda izdestirý jumystary jalǵasýda. Avtobýstyń boljamdy ornalasqan jerine arnaıy tehnıkanyń kirýi úshin ótkeldi tereńdetý jumystary júrgizilýde. Osy ýaqytqa deıin barlyǵy 200 myń tonnadan astam topyraq pen taý jynystary shyǵaryldy, almaty-akshamy.kz Pavlodarnews.kz. silteme jasap.
– Saǵat 14.45-te «Maıqaıyń-altyn» AQ aýmaǵyndaǵy opyrylǵan shuńqyrdyń túbine shaǵyn kólemdi ekskavator túsirildi. Jumystar asqan saqtyqpen jáne shuńqyrdyń búıir qabyrǵalarynyń qulaý qaýpiniń saqtalýyna baılanysty barlyq qaýipsizdik sharalaryn saqtaı otyryp júrgizilýde, – dedi oblys ákimdiginde.
Jumystardy júrgizý kezinde jumys qujattatary jáne jol-sapar jýrnaly bar qutqarýshylardyń sómkesi, sondaı-aq, memlekettik tirkeý nómiri bar avtobýstyń shanaq bólshegi tabyldy.
Avtobýstyń boljamdy ornalasqan jerine deıingi topyraqty qazyp alý mindeti qoıylǵan shaǵyn ekskavatordyń jumysy aıaqtalǵannan keıin mamandar ony joǵary kóterý jumystaryn bastaıdy.
İzdestirý jumystaryna barlyǵy 141 adam, 50 tehnıka, 1 kınologıalyq esep jáne 2 dron jumyldyrylǵan.