Maǵjan İlıasov Qazaqstan Respýblıkasynyń Amerıka Qurama Shtattaryndaǵy tótenshe jáne ókiletti elshisi bolyp taǵaıyndaldy, - dep habarlaıdy Massaget.kz tilshisi.
"Memleket basshysynyń jarlyǵymen Maǵjan Janbotauly İlıasov Qazaqstan Respýblıkasynyń Amerıka Qurama Shtattaryndaǵy tótenshe jáne ókiletti elshisi bolyp taǵaıyndaldy, ol Qazaqstan Respýblıkasynyń Ulybrıtanıa jáne Soltústik Irlandıa Qurama Koróldigindegi tótenshe jáne ókiletti elshisi, Qazaqstan Respýblıkasynyń Islandıadaǵy, Irlandıadaǵy tótenshe jáne ókiletti elshisi qyzmetin qosa atqarýshy laýazymdarynan bosatyldy", - dep jazylǵan habarlamada.
Maǵjan İlıasov týraly ne belgili?
Qazaq Halyqaralyq Qatynastar jáne álem tilderi ýnıversıteti (1996 j.), bakalavr dárejesin alǵan.
Dıplomattarǵa arnalǵan oqý kýrstary, Klıngendal halyqaralyq qatynastar ınstıtýty, Gaaga, Nıderlandy (1998), Garvard ýnıversıteti Dj.Kennedı atyndaǵy memlekettik basqarý mektebi (2013), memlekettik basqarý magıstri.
Mansap
1996-1998 jj. - Qazaqstan Respýblıkasy Syrtqy ister mınıstrligi halyqaralyq uıymdar jáne Halyqaralyq ekonomıkalyq qatynastar departamentiniń referenti, attashesi.
1998-1999 jj. - Qazaqstan Respýblıkasy Syrtqy ister Mınıstrligi Birikken Ulttar Uıymy jáne Halyqaralyq ekonomıkalyq uıymdar departamentiniń úshinshi hatshysy, ekinshi hatshysy.
1999-2007 jj. - Qazaqstan Respýblıkasy Prezıdenti Hattamasynyń halyqaralyq saparlar bólimi.
2007-2012 jj. - Qazaqstan Respýblıkasy Prezıdenti Ákimshiliginiń Syrtqy saıasat ortalyǵynyń meńgerýshisi.
2013 j. - Qazaqstan Respýblıkasy Prezıdentiniń Keńesshisi.
2013-2016 jj. - Qazaqstan Respýblıkasy Prezıdentiniń Keńesshisi-Qazaqstan Respýblıkasy Prezıdenti Ákimshiliginiń Syrtqy saıasat ortalyǵynyń meńgerýshisi.
2016-2020 jj. - Qazaqstan Respýblıkasynyń Nıderlandy Koróldigindegi Tótenshe jáne Ókiletti Elshisi, Hımıalyq qarýǵa tyıym salý jónindegi uıym janyndaǵy Turaqty ókil.
2020-2022 jj. - Qazaqstan Respýblıkasynyń Birikken Ulttar Uıymy janyndaǵy Turaqty ókili.
2022 jyly - Qazaqstan Respýblıkasynyń Ulybrıtanıa jáne Soltústik Irlandıa Birikken Koróldigindegi Tótenshe jáne Ókiletti Elshisi.
2023 jyly - Qazaqstan Respýblıkasynyń Islandıa jáne Irlandıadaǵy Tótenshe jáne Ókiletti Elshisi qyzmetin qosa atqarýshy.