Mádenıet jáne sport mınıstri Dáýren Abaev Jambyl óńirine is saparynda 2025 jylǵa qaraı mádenıet salasynyń qyzmetkerleriniń jalaqysy 100%-ǵa deıin ósetinin aıtty, dep habarlaıdy Almaty-akshamy.kz Inbusiness.kz-ke silteme jasap.
Mınıstr oblys turǵyndarymen kezdesý barysynda birqatar máseleni kóterip, joldanǵan saýaldarǵa jaýap berdi.
Sózinshe, sala qyzmetkerleriniń jalaqysy 2021 jyldan bastap kóterilip keledi.
"2025 jylǵa qaraı 20/20%-dan 100%-ǵa deıin jetedi. Jalaqylar eki esege kóbeımek. Memleket eńbekaqyny kóterýge árqashan netti. Alaıda biz ınflásıa men ekonomıkalyq jaǵdaıdy da eskerip, esepteýimiz kerek. Naryqtyń da kiris-shyǵystary bar", - dedi Dáýren Abaev.
Sonymen qatar jaýapty vedomstvo basshysy aımaqtaǵy Artsportqa 2 mıllıard teńge bólingenin jáne keler jyldan bastap bul baǵytty qarjylandyrý jumystarynan qıyndyqtar bolmaıtynyn jetkizdi.
Jıynda sportshylarǵa ómir boıyna beriletin tólemaqydan bastap, jas mamandardy ýaqytsha baspanamen qamtý, saladaǵy tehnıkalyq qyzmetkerlerdiń aılyǵyn arttyrý máseleleri qozǵaldy.
Mınıstr saýaldardy qarastyryp, sheshimin Úkimetke usynys retinde joldaıtynyn málimdedi.