Almatyda joq páterlerdi jalǵa bergen jigit ustaldy, dep habarlaıdy Almaty-akshamy.kz Inbusiness.kz-ke silteme jasap
Kúdikti nebári 18 jasta. Ol Aqtóbeden.
– Jap-jas bolǵanyna qaramastan, H. esimdi azamat - "kásipker". Ol ınternet arqyly adamdardy aldaǵan. Al tizbek bylaı boldy. Jóndeýi jaqsy, baǵasy arzan páterdi jalǵa berý týraly saıtqa habarlandyrýlar ornalastyrdy. Qyzyǵýshylyq tanytqandarǵa jas jigit bank kartasynyń derektemelerin jiberip, aldyn ala tólem tóleýdi surady. Bizdiń málimet boıynsha, kúdiktiniń qylmystyq qýlyǵyna kem degende 5 adam túsken, olar - alaıaqtyq týraly polısıaǵa resmı túrde aryzdanǵandar. Kúdiktiniń turǵylyqty jerin tintý kezinde onyń qylmys jasaý kezinde paıdalanǵan baılanys operatorlarynyń 45 SIM-kartasy tárkilendi, – dedi Almaly aýdandyq polısıa basqarmasy bastyǵynyń orynbasary Vladımır Reshetnıkov.
Kúdikti qamaýǵa alyndy. Polısıa qyzmetkerleri onyń jeke basynyń basqa da qylmystarǵa qatysynyń bar-joǵyn tekserip jatyr.