Jaz mezgilinde kún sáýlesi terimizge jaǵymdy áser etýimen qatar, teri aýrýlarynyń qaýpin de arttyrady. Sondyqtan terini durys qorǵaý – densaýlyq kepili.
Medısına ǵylymdarynyń kandıdaty, alergolog-ımmýnolog jáne dermatolog Karıne Vardanánnyń aıtýynsha, tikeleı kún sáýlesi melanoma sıaqty qaýipti aýrýlardyń damý qaýpin arttyrady. Al kúnge kúıý — teriniń qartaıýyna jáne zaqymdanýyna sebep bolady, dep habarlaıdy aqshamnews.kz.
Kúnnen qorǵanýdyń negizgi erejeleri:
1. Táýekeldi ýaqyttan aýlaq bolyńyz
Tańǵy 10:00 men túski 16:00 aralyǵy – kún sáýlesi eń belsendi bolatyn ýaqyt. Bul ýaqytta kóleńkede bolýǵa tyrysyńyz.
2. Fızıkalyq qorǵanys qoldanyńyz
• Tyǵyz, keń, ashyq tústi kıim kıińiz
• Bet, moıyn, qulaqty shlápa nemese kapúshonmen jabyńyz
• Kózge kúnnen qorǵaıtyn kózildirik taǵyńyz
3. Kúnnen qorǵaıtyn kremderdi durys jaǵyńyz
• SPF 30 nemese odan joǵary kúnnen qorǵaıtyn krem tańdańyz
• Kremdi ashyq jerlerge molynan jaǵyp, ár 2 saǵat saıyn jańartyńyz
• Sýǵa túskennen keıin, terlegen soń jáne sportpen aınalysqan soń qaıta jaǵyńyz
4. Bultty kúnde de qorǵanysty umytpańyz
Kún sáýlesiniń 80%-y bulttardan ótip ketedi. Sondyqtan qorǵaný árdaıym qajet.
5. Shaǵylystyratyn betterge abaı bolyńyz
Qar, sý, qum sıaqty better últrakúlgin sáýlelerdi kúsheıtedi. Bul jerlerde qosymsha qorǵanys sharalaryn qabyldańyz.