Shahardyń Almaly aýdanynyń polıseıleri birneshe páter urlyǵyn jasaǵan kúdiktini ustady.
Tergeý derekterine sáıkes, kúdikti bir táýlik ishinde eki páterge zańsyz kirip, zergerlik buıymdar, gadjetter jáne basqa da baǵaly zattardy urlaǵan. Qylmystar birneshe saǵat aralyǵynda jáne kórshiles aýlalarda jasalǵan.
-Kúdiktiniń jeke basy anyqtaldy, ol ýaqytsha ustaý ızolátoryna qamaldy. Qazirgi ýaqytta eki urlyq deregi boıynsha jetkilikti dálelderimiz bar. Sondaı-aq onyń basqa da osyǵan uqsas qylmysqa qatysy bolýy múmkin ekenin joqqa shyǵarmaımyz, – dedi Almaly aýdandyq PB-ǵa qarasty polısıa bóliminiń bastyǵy Tımýr Imanbekov.
Atalǵan eki derek boıynsha qylmystyq ister qozǵaldy. Tergeý júrgizilýde. Polısıa "Zań jáne tártip" qaǵıdasy aıasynda árbir qylmystyń jazasyz qalmaıtynyn eske salady. Qala turǵyndarynyń qaýipsizdigi – basty basymdyq.