Osy jyldyń 6-8 mausym aralyǵynda elímízde Qūrban aıt merekesíne oraı Qazaqstan mūsylmandary dínı basqarmasy «Qurban 2025» respublıkalyq qaıyrymdylyq aktsıyasyn ūıymdastyrdy.
QMDB Tóraǵasy, Bas múftı Nauryzbaı qajy Taǵanūlynyń bastamasymen qūrylǵan arnaıy respublıkalyq shtab qūrban shalu rásímderín júıelí túrde úılestíríp, búkíl el boıynsha auqymdy qaıyrymdylyq jūmystaryn atqardy, dep habarlaıdy aqshamnews.kz.
QMDB málímetínshe, azamattar qūrbandyq shalu úshín QURBAN.MUFTYAT.KZ saıty arqyly onlaın tapsyrys beríp, sonymen qatar jergílíktí qasaphanalarda oflaın túrde de qūrban shaluǵa múmkíndík aldy.
Qūrbandyq shalu barysynda respublıka kólemínde jalpy sany 36 046 mal qūrbandyqqa shalyndy. Atap aıtqanda, 31 906 bas qoı, 1 973 bas eshkí, 2 119 írí qara jáne 48 túıe qūrbandyqqa shalyndy. Qūrbandyq etterí arnaıy qabyldau punktteríne jınalyp, dín qyzmetkerlerí men eríktílerdíń qatysuymen mūqtaj jandarǵa úlestíríldí.
Qoryta aıtsaq, elímíz boıynsha Qūrban aıt kúnderí QURBAN.MUFTYAT.KZ saıtyna 2149 tapsyrys beríldí. Respublıka boıynsha 809 adamnan qūralǵan bírneshe shtab úzdíksíz jūmys atqardy.
Nátıjesínde 81 793 otbasyǵa qūrbandyq etí jetkízílíp beríldí. Būǵan qosa, arnaıy soıylǵan maldyń etterí elímízdegí 1236 áleumettík mekemege – múmkíndígí shekteulí jandar qorlaryna, zaǵıptar qoǵamyna, auruhanalar men qarttar úıleríne taratyldy.
