"Zańsyz kelýshi – 2024" jedel-profılaktıkalyq is-sharasynyń úsh kúninde kólik polıseıleri 112 azamatty ákimshilik jaýapkershilikke tartty, dep habarlaıdy almaty-akshamy.kz.
Onyń ishinde elde bolý erejelerin buzǵany úshin 90 sheteldik, olardyń 87-si TMD elderinen bolsa, 3-ýi alys shetel azamattary. Bul týraly kóliktegi polısıa departamenti bastyǵynyń birinshi orynbasary Madıar Aıtýǵanov aıtty.
Onyń aıtýynsha, sot sheshimi boıynsha 17 sheteldik elden tysqary shyǵaryldy. Máselen, Arys-1 stansıasyndaǵy jelilik polısıa bóliminiń qyzmetkerleri temirjol vokzalyn tekserý kezinde zańnamada belgilengen merzim ótkennen keıin on táýlikten astam ýaqyt ishinde ketýden jaltarǵan QR kóshi-qon zańnamasyn buzǵan Ózbekstan Respýblıkasynyń 15 azamatyn anyqtady.
Túrkistan oblysy Saryaǵash aýdanynyń mamandandyrylǵan ákimshilik sotynyń sheshimimen 10 sheteldik QR aýmaǵyna kirýge 5 jyl merzimge tyıym salý belgilenip elden shyǵarylsa, qalǵan azamattarǵa 25 AEK (92 300 teńge) mólsherinde aıyppul salyndy.