Deni saýdyń – jany saý
Denniń saýlyǵyn, jalpy búkil aǵza beriktigin nyǵaıtýda kónkı tebýdiń paıdasy zor dep habarlaıdy Almaty-akshamy.kz Aif.ru saıtyna silteme jasap.
Sonymen kónkı tebý kezinde mynandaı artyqshylyqtarǵa qol jetkizýge bolady.
1.Súıekterdiń beriktigi ózine jaqyn ornalasqan bulshyqetterdiń olarǵa qandaı qysym jasaıtynyna baılanysty bolady. Kónkıdi turaqty túrde tebý arqyly súıek tyǵyzdyǵynyń jas ereksheligine baılanysty paıda bolatyn aýrý - osteoporozdyń aldyn alýǵa úles qosady. Kónkı tebý barysynda qımyl-qozǵalys tek aıaq bulshyqetterine ǵana áser etip qoımaıdy, sonymen birge qol jáne jalpy dene bulshyqetterine áser etedi. Tıisinshe, bul jerlerde súıek tyǵyzdyǵy da artady.
2. Músin. Bir saǵat kónkı tebý barysynda 300–400 kkal jumsalady. Qımyl-qozǵalys kezinde aǵzanyń barlyq tinderi ottegimen qamtylady, nátıjesinde maılardyń ydyraýyn jyldamdatyp, jalpy zatalmasýdy belsendetedi. Buǵan bulshyqetterge qosylǵan joǵary júkteme - artyq salmaqtan qutylyp, minsiz músinge qol jetkizedi.
3. Mı. Kónkı tebý pozıtıvti kóńil kúı syılaıdy ári psıhologıalyq qysymnan ajyraýǵa kómektesedi. Ásirese ashyq alańdardaǵy kónkılerdiń paıdasy orasan. Sýyq aýa serpiltip, júıke júıesin sergitedi.
4. Vestıbýlárlyq apparat. Kónkıdiń tabany árkez senimdi qorǵan emes. Kónkı kıip qımyldaý barysynda kedergilerdi aınalyp ótip, muzǵa burylǵanda tepe-teńdikti saqtaý qabileti eriksiz jattyǵady. Osynyń arqasynda qozǵalystar tek muzda ǵana emes, kúndelikti ómirde de nyq, dál, úılesimdi bolady. Bul kezekte eń jaqsy nátıje - mánerlep syrǵanaý, biraq qarapaıym kónkımen syrǵanaý da óte paıdaly.
5. Júrek jáne qan tamyrlary. Muz aıdynyna turaqty barý júrek soǵysyn edáýir jaqsartady. Ǵalymdardyń aıtýynsha, muz ústinde kúndelikti 20-30 mınýt syrǵanaýdyń ózi bolashaqta júrek aýrýlarynyń aldyn alýǵa kómektesedi. Belsendi qozǵalys kezinde qol men aıaqta ornalasqan usaq perıferıalyq tamyrlar ashylady. Qan tamyrlary qanmen tolyǵyp sonyń arqasynda qan qysymy birtindep jáne tabıǵı túrde tómendeıdi. Osylaı únemi qozǵalysta bolaý gıpertonıanyń aldyn alýǵa jaqsy kómektesedi.
6. Omyrtqa. Kónkı tebý barysynda arqany tik ustaǵan jón, áıtpese tepe-teńdikti ustaý qıyndyq týǵyzady. Osynyń negizinde omyrtqany ustap turǵan bulshyqetter jattyǵady, tik júretin bolady. Jasóspirimder úshin kónkı tebýmen aınalysý omyrtqa qısaıýynyń aldyn alsa, eresekter úshin erte osteohandrozdyń aldyn alady.
7. Býyndar. Kónkımen syrǵanaý tipti erte satysynda artroz dıagnozy qoıylǵan adamdarǵa da ruqsat etiledi - bul qozǵalys ınterstısıaldy shemirshektiń tamaqtanýyn jaqsartady. Tek tym tez júrýge, sekirýler men ótkir burylystarǵa tyıym salynady, sonymen qatar kezdeısoq qulap ketpeý úshin muz jamylǵysy jaqsy sapaly bolýy kerek. Deni saý adamdar úshin kónkı tebý býyn aýrýlaryn boldyrmaıdy.