Sý tartý qyzmetteriniń baǵasy jylyna 33,9%-ǵa ósti.
Aqpan aıynyń sońynda Qazaqstanda aqyly qyzmetter jylyna 12,8%-ǵa qymbattaǵan, dep habarlaıdy Almaty-akshamy.kz
Finprom.kz-tiń zertteýinshe, osy kezeńde sý tartý qyzmetteriniń baǵasy jylyna 33,9%-ǵa ósti, bul basqa komýnaldyq qyzmetterge qaraǵanda joǵary bolyp otyr. Osyǵan uqsas baǵanyń ósýi mynadaı komýnaldyq qyzmetterde de baıqalady:
ortalyqtandyrylǵan jylytý – 30,9%;
salqyn sý – 30,8%;
qoqys shyǵarý – 30,7%;
ystyq sý – 29,4%;
elektr energıasy – 19,9%.
Joǵaryda atalǵan qyzmetterdiń baǵasynyń ósýi qyzmet kórsetý salasyndaǵy ortasha baǵanyń ósýinen birneshe ese joǵary.
Al uıaly baılanys qyzmetteriniń baǵasy bir jyl ishinde 12,4%-ǵa ósti.
Qyzmet kórsetýshiler baǵany kóterý sebebi – ınvestısıa. Komýnaldyq qyzmetter men baılanys salasy kóp qarjyny, ınvestısıany qajet etetin salalar. Investısıanyń bolmaýy Ekibastuz, Rıdder jáne elimizdiń basqa da eldi mekenderinde oryn alǵan apatty jaǵdaılarǵa alyp keledi.
Investısıalar negizgi qorlardy jańartý, tozý kórsetkishin qysqartý, apat qaýpin tómendetý, sondaı-aq jańa energkı qýattaryn iske qosý úshin qajet. Eske salaıyq, elimizde byltyrdan beri "Investısıaǵa aıyrbas tarıfi" memlekettik jobasy jumys isteıdi. Sonyń negizinde komýnaldyq kásiporyndar baǵany kóteredi.
2023 jylǵy qańtar-jeltoqsan aılary aralyǵynda elektrmen jabdyqtaý, gaz, bý berý jáne aýa baptaý sektoryndaǵy negizgi kapıtalǵa salynǵan ınvestısıa bir jylda 56,3%-ǵa ósip, 1,2 trln teńgege jetti. ÓAl sýmen jabdyqtaý, káriz júıesi, qaldyqtardy jınaý men bólýdi baqylaý sektorynda negizgi kapıtalǵa salynǵan ınvestısıa bir jylda 23,6 paıyzǵa ósip, 598,6 mlrd teńgeni qurady.
2023 jylǵy qańtar-jeltoqsanda baılanys operatorlarynyń ınvestısıasy 2,5 ese ósip, rekordtyq 451,7 mlrd teńgege jetti. Baılanys qyzmetteriniń baǵasy 2023 jyly nebári 12,4%-ǵa ósti, al salaǵa salynǵan ınvestısıa birneshe ese artty.