Taıaýda saıabaqqa aparatyn joldyń qurylysy bastalyp, elektr jelileri tartylady
Kólsaı kólderi ulttyq parkine baratyn jol salynyp, bóget turǵyzylady. Bul týraly Kegen aýdanyna jumys saparymen barǵan Almaty oblysynyń ákimi Marat Sultanǵazıev málimdedi, dep habarlaıdy Almaty-akshamy.kz QazAqparatqa silteme jasap.
Sapar aıasynda Qaıyńdy kólin saqtap qalý máselesi qaraldy. Óńir basshysynyń sózinshe, sońǵy jyldary atalǵan sý qoımasyndaǵy sý deńgeıi tómendep ketken. Sondyqtan máseliniń sheshimi retinde munda bóget salý josparlanyp otyr. Bul másele Ekologıa mınıstrligimen birlesip pysyqtalady.
Buǵan qosa, taıaýda saıabaqqa aparatyn joldyń qurylysy bastalyp, elektr jelileri tartylady. Ulttyq park dırektorynyń aıtýynsha, qazirgi tańda atty jáne jaıaý júrginshilerge arnalǵan joldyń jobasy ázirlenip jatyr. Budan ózge, Kólsaı aýmaǵynda bıoájethanalar ornatyp, týrıstik polısıa bólimsheleri men feldsherlik-akýsherlik pýnkt salý máselesi qaralyp jatyr.
Aıta keteıik, buǵan deıin İle Alataýy ulttyq parkiniń sel júrý qaýpi joǵary aımaqtaryna bóget salynatynyn habarlap edik.