Almatyda eki jyl buryn belsendi uzaq ómir súrý ortalyqtary quryldy. Bular - zeınetkerlerdiń densaýlyǵyn saqtaý men bos ýaqytyn uıymdastyrýmen kásibı túrde aınalysatyn oryndar. Qalalyq máslıhattyń depýtaty, eki Belsendi uzaq ómir súrý ortalyǵynyń jetekshisi Ásıa Maqanova zeınetkerlerdi ýaqytpen birge adymdaýǵa, fızıkalyq jáne psıhologıalyq turǵydan qoldaýǵa qalaı úıretetinin aıtyp berdi, dep habarlaıdy almaty-akshamy.kz
Óńirlik komýnıkasıalar qyzmeti alańynda sóılegen sózinde Á. Aqanova Almaly jáne Áýezov aýdandaryndaǵy Belsendi uzaq ómir súrý ortalyǵyn basqaryp otyrǵanyn aıtty.
«Bizdiń ortalyqtarda zeınetkerler ózderine unaıtyn kásippen aınalysyp qana qoımaı, jańa dostar taba alady. Bizdiń ár ortalyqqa 300-ge jýyq adam keledi, zeınetkerler fıtnes, ıogamen aınalysady, shahmat, doıby oınap ýaqyt ótkizedi, skandınavıalyq júrispen aınalysady, olarǵa medısınalyq pýnkt qyzmeti kórsetiledi. Qalaýy boıynsha smartfondy, áleýmettik jelilerdi, qajetti DamuMed, eGov qosymshalaryn jáne kompúterdi meńgerýge, sondaı-aq qazaq jáne aǵylshyn tili kýrstarynan ótýge bolady», - dedi Ásıa Aqanova.
Almatynyń Belsendi uzaq ómir súrý ortalyqtaryndaǵy sabaqtar emdik dene shynyqtyrýdan bastap psıhologıalyq keńes berýge deıin ártúrli. Kóbisi ónerdi, sonyń ishinde bı men vokaldy, budan basqa aspazdyq jáne motıvasıalyq kýrstardy jaqsy kóredi.
Ásıa Aqanova 2018 jyldan bastap ortalyqtarǵa 5 myńnan astam zeınetker kelgenin atap ótti. Qarıalardyń psıhologıalyq jaǵdaıy edáýir jaqsardy, olar kópshil bola bastady, densaýlyǵynda belgili bir nátıjeler baıqaldy, óıtkeni mamandar aýrýdyń aldyn alýǵa erekshe nazar aýdarady.
Almatyda barlyǵy toǵyz Belsendi uzaq ómir súrý ortalyǵy jumys isteıdi, olardyń jumysy týraly tolyq aqparatty koll-ortalyqtyń 1308 nómiri arqyly bilýge bolady.