Erekshe qoıylym
«Jasyryn neke» operasy sahnalanady, dep habarlaıdy Almaty-akshamy.kz.
«Astana Opera» teatrynda kezekti premera. Elordada alǵash ret Domenıko Chımarozanyń «Jasyryn neke» operasy sahnalanady. Týyndyny qoıýshylar ony kórermenge erekshe mánerde jetkizýge den qoıǵan.
Bul eń aldymen sahnany árleýge qatysty. Áserli dekorasıa kaleıdoskop negizinde qurylǵan. Sondaı-aq alyp jasandy shash úlgileri de kóptiń kóńilinen shyǵýy tıis, - deıdi mamandar.
Qoıylym ótken dáýirge saıahat jasatady. Partıalardy Talǵat Ǵaleev, Aldynbek Ábildá, Evgenıı Chaınıkov, Erjan Saıpov, Ásem Sembına, Saltanat Ahmetova syndy óner oshaǵynyń sahna sańlaqtary somdaıdy.
Olardyń sózinshe, tanymal qoıylym bul joly ózge qyrynan tanylyp, jańa mánerde usynylady.
«Bul jerde basty partıalar joq. Qoıylymda barlyǵy – negizgi partıa. Buǵan deıin qoıylǵan «Jibek baspaldaq» jáne «Don Paskýale» syndy úlgilerinen ózgesherek bolady. Ol eń aldymen úlken kólemdegi ansámblder. Olar mýzykalyq jaǵynan qoıylymdy birshama túrlendire tústi» , - dedi qoıýshy dırıjór Abzal Muhıtdın.