Elimizde otbasylyq ishki týrızmdi damytýǵa baǵyttalǵan Kids Go Free baǵdarlamasy birneshe jyldan beri jumys istep keledi. Iaǵnı, atalǵan baǵdarlama arqyly 2 men 17 jas aralyǵyndaǵy balalar ata-anasymen nemese jaqyn týystarymen birge el ishinde saıahattaǵan jaǵdaıda, olardyń bılet shyǵyndaryn memleket ótep beredi. Baǵdarlamaǵa qatysýdyń basty sharty – týrdy lısenzıasy bar týroperatordan satyp alý.
Baǵdarlama iske qosylǵaly beri 5 500-den astam bala elimizdiń túrli óńirlerine tegin saıahattady. Otandyq týroperatorlar jalpy somasy 1,2 mıllıard teńgeden asatyn týrlar satqan.
Elimizde otbasylyq saıahat úshin eń tanymal baǵyttar — Alakól, Mańǵystaý, Kaspıı jaǵalaýy, Almaty jáne Almaty taý klasteri, Túrkistan, Astana men Shýche-Býrabaı kýrorttyq óńiri.
Ár óńirde balalar men ata-analarǵa arnalǵan túrli nysandar men demalys oryndary bar:
Mańǵystaýda — Tetis Blue akvaparki jáne Mańǵystaý oblystyq tarıhı-ólketaný murajaıy;
Almatyda — Kóktóbe men «Medeý» sporttyq-týrıstik ortalyǵy;
Astanada — «Báıterek» monýmenti jáne QR Ulttyq mýzeıi;
Býrabaıda — Abylaı han alańy men «Oqjetpes» tabıǵı nysany.
Mundaı baǵyttar otbasylyq demalysty mazmundy etýge, tabıǵat aıasyndaǵy demalys pen tanymdyq týrızmdi tıimdi qamtýǵa múmkindik beredi.
İshki naryqta jumys isteıtin jáne tıisti lısenzıasy bar týroperatorlar baǵdarlamaǵa erikti túrde qatysa alady.