Bıyl elimizdegi 500 aýyldyq eldi mekende "Aýyl – el besigi"baǵdarlamasy sheńberinde myńǵa jýyq joba iske asyrylmaq. Osy maqsatta 2025 jylǵa arnalǵan búdjetten 176,4 mlrd teńge qarastyrylyp otyr.
Joba 2019 jyldan beri júzege asyrylýda. Memleket basshysynyń tapsyrmasymen aýyl turǵyndarynyń ómir súrý sapasyn jaqsartýǵa — ınjenerlik, áleýmettik ınfraqurylymdy jańǵyrtý, negizgi qyzmetterge qol jetkizýdi arttyrý, ómir súrýge qolaıly orta qurýǵa arnalyp otyr.
2019-2024 jyldary aýyldy damytýǵa 524 mlrd teńge bólindi. 2,6 myń tirek jáne spýtnıktik aýylda 6,6 myńnan astam joba oryndaldy. Osynyń arqasynda, 772 turǵyn úı-kommýnaldyq sharýashylyq nysany, mektep, medısınalyq pýnkt pen mádenıet úıi sıaqty 2,1 myń áleýmettik nysan, 3 myńnan asa kentishilik jol salynyp, jóndelgen.