Tanymal KeshYou tobynyń eks-solısti, ánshi Balaýsa Erǵalına Qazaqstanda atom elektr stansıasynyń qurylysyna arnalǵan referendýmǵa qatysty, dep habarlaıdy aqshamnews.kz.
Ánshi Qazaq sport jáne týrızm akademıasynda ornalasqan № 75 saılaý ýchaskesine bardy. Balaýsa Erǵalına árbir qazaqstandyqtyń el bolashaǵyna qatysty negizgi máselelerdi sheshýge qatysýynyń mańyzdylyǵyn atap ótti.
«Árqaısymyz óz elimizdiń bolashaǵy úshin jaýapkershilikti sezinýimiz kerek. Qazaqstannyń belsendi azamaty retinde men jas urpaqtyń bolashaǵy týraly oılaımyn, sondyqtan da osyndaı sheshimderge qatysýdy óz mindetim dep sanaımyn», - dep oı bólisti ol.
Esterińizge sala keteıik, búgin Qazaqstan aýmaǵynda AES salý máselesi boıynsha respýblıkalyq referendým ótýde. Almatylyqtar turǵylyqty jeri boıynsha saılaý ýchaskelerine baryp, saǵat 20.00-ge deıin óz daýystaryn bere alady.