Bul medıaortalyq Dohada álem chempıonaty qarsańynda ashylǵan bolatyn.
Jahandyq dop dodasy kezinde qyzmet atqaratyn medıa mamandary úshin bul jer ekinshi úıindeı bolyp ketken. Álem chempıonaty barysynda medıa salasy mamandarynyń jumysy qyza túsedi. Katardyń úlken kongres ortalyǵy 24 saǵat ashyq turady. Bul jerde kúni-túni jumys toqtamaıdy, dep habarlaıdy Almaty-akshamy.kz/
Álem chempıonaty oıyndary ótetin stadıondarǵa jetkizetin avtobýstardyń aıaldamasy da osynda. Kezdesý aıaqtalǵannan keıin sol avtobýstar qaıtadan osy ortalyqqa jetkizedi. Sheteldik jýrnalıserdiń aıtýynsha, bul jer emin-erkin jumys isteýge yńǵaıly.
«Medıaortalyq jaman emes. Basqa ortalyqtarǵa uqsaıdy. Úlken jarystarda osyndaı jumys ornynnyń bolǵany durys», - deıdi Kır Randjıch.
«Bul jerde jumys istegen maǵan unaıdy. Óte yńǵaıly. İshi keń. Internet jaqsy sapada. Avtobýstardyń osy jerden alyp ketip, alyp kelýi jaqsy oılastyrylǵan», - deıdi Tımo Výla.
Uıymdastyrýshylar árbir usaq-túıekke deıin mán berip, durys josparlaǵany kórinip tur. Oıyn bolatyn kúnnen bir kún buryn komandalardyń baspasóz máslıhaty da osy jerde ótedi. 4000 myń adamǵa arnalǵan konferens-zaldy fotograftar, jýrnalıser, saıt mamandary men tehnıkalyq qyzmetkerler jumys isteıtin oryndarǵa bólgen. Qysqasy mýndıaldiń tartysty oıyndary stadıondarda ótse, medıa salasy mamandarynyń qyzý jumysy osy ortalyqta atqarylady.