2025 jyl – «Jumysshy mamandyqtar jyly» dep jarıalandy. Prezıdentimiz tujyrymdaǵandaı, eńbekqorlyq pen kásibılik qundylyqtary bizdiń qoǵamymyzda árqashan birinshi orynda bolýy tıis. Dál osy mamandardyń arqasynda bizdiń ultymyzdyń jańa sapasy qalyptasady. Básekege qabiletti ekonomıka men eldiń turaqty progresi úshin ártúrli salalardyń eńbek mamandyqtarynyń bedelin júıeli túrde arttyrý qajet.
Almaty memlekettik bıznes koleji – shamamen, 75 jyl boıy Qazaqstannyń shaǵyn jáne orta bıznesi úshin mamandar daıarlap kele jatqan tabysty oqý oryndarynyń biri. Kolejdiń bilim berý baǵdarlamalary jumys berýshilermen birlesip ázirlenedi, osylaısha stýdentter kásiporyndarda jumys isteý úshin qajetti daǵdylardy ıgerip, óz bıznes jobalaryn júzege asyra alady. «Jas maman» jobasy aıasynda bolashaq aspazdar men naýbaıshylar úshin zerthanalar zamanaýı jabdyqtarmen qamtamasyz etilip, Quzirettilik ortalyqtary jumys isteýde. Kolejdiń oqytýshylary Shveısarıada, Germanıada jáne Fransıada halyqaralyq taǵylymdamadan ótedi.
Bizdiń túlekterimiz óz bıznesin qurýǵa baǵdarlanady, oqý baǵdarlamalarymyz bolashaq býhgalterler, marketologtar men menedjerlerdiń kásipkerlik daǵdylaryn, ınovasıalardy jáne kreatıvtilikti, áleýmettik jaýapkershilikti damytýǵa yqpal etedi. Olar tabysty bıznestiń ajyramas bóligine aınalady. Túlekterimizdiń kásibı daǵdylary men bilimderi kompanıalardyń naryqtaǵy turaqty damýyn jáne básekege qabilettiligin qamtamasyz etedi.
Kolejder aldynda turǵan negizgi mindet – jastar men jumys berýshiler jáne ınvestorlar úshin tartymdy ortalyqqa aınalý. Osy maqsatta bizdiń kolej dýaldy oqytýdy belsendi túrde damytyp, memlekettik tapsyrys aıasynda naqty kásiporyndar úshin kadrlardy maqsatty daıarlaýdy keńeıtedi, halyqaralyq salalyq standarttardy engizýge jáne túlekterdi sertıfıkattaýǵa daıyndalady. Ikemdi tásilderdi qoldaný jáne mansaptyq múmkindikterdi damytý jastardyń eńbek mamandyqtaryna qyzyǵýshylyǵyn edáýir arttyra alady.
Memleket basshysy el azamattaryn elimizge adal qyzmet etýge, sapaly bilim alýǵa jáne tynymsyz eńbek etýge shaqyrdy. Kolej ujymy men stýdentteri Prezıdenttiń bastamasyn qoldaıdy jáne elimizdiń ekonomıkasyn damytýǵa óz úlesterin qosý úshin bar kúsh-jigerin jumsaýǵa daıyn.