Ǵusman Qyrǵyzbaev pen onyń egiz baýyry Ǵumarǵa merziminen buryn «kapıtan» áskerı ataǵy berildi
Komanda quramynda qazaqstandyq dzúdoshy, 2021 jylǵy álem chempıonatynyń kúmis júldegeri, 2019 jáne 2022 jyldardaǵy Azıa chempıonattarynyń qola júldegeri, Olımpıadanyń qola júldegeri Ǵusman Qyrǵyzbaev bar.
Aǵa leıtenant Ǵusman Qyrǵyzbaev – Qorǵanys mınıstrligi Ortalyq sport klýbynyń áskerı qyzmetshisi, dep habarlaıdy aqshamnews.kz Qorǵanys mınıstrligine silteme jasap.
Otan aldyndaǵy erekshe eńbegi, dene tárbıesi men sportty damytýǵa qosqan zor úlesi, joǵary jetistikteri jáne kásibıligi úshin Ǵusmanǵa jáne onyń egiz syńary, Ortalyq sport klýby dzúdodan komandanyń bólimshe bastyǵy - aǵa jattyqtyrýshysy Ǵumar Qyrǵyzbaevqa Qazaqstan Respýblıkasy Qorǵanys mınıstriniń buıryǵymen kezekti «kapıtan» áskerı ataǵy merziminen buryn beriledi, –dep atap ótti Qorǵanys mınıstrligi Sport komıtetiniń tóraǵasy – Ortalyq sport klýbynyń bastyǵy polkovnık Arman Ábeýov.
– Ony aǵaıyndy egizderge Olımpıada qorytyndysy boıynsha sportshylarǵa qurmet kórsetý kezinde Qorǵanys mınıstri Rýslan Jaqsylyqov tapsyratynyn aıtty. Olımpıadanyń barlyq jeńimpazdarymen birge Ǵusman Qyrǵyzbaevty da Almaty garnızonynyń áskerı qyzmetshileri jáne áriptesteri qarsy aldy.
Esterińizge sala keteıik, qazaqstandyq dzúdoshy Ǵusman Qyrǵyzbaev Serbıadan kelgen sportshy Strahıná Býnchıchti jeńip, úshinshi oryn úshin kúreste qola medal jeńip aldy.