Bul týraly Konstıtýsıada jazylǵan.
Ortalyq saılaý komısıasynyń ókilderi kandıdattyń saılaýda tólegen jarnasy qaı jaǵdaıda qaıtarylatynyn jáne onyń qalaı memleket kirisine aınalatynyn túsindirdi, dep habarlaıdy Almaty-akshamy.kz
OSK múshesi Sábıla Mustafınanyń aıtýynsha, kandıdatqa nemese partıaǵa saılaý jarnasyn qaıtarý jaǵdaılary «Qazaqstan Respýblıkasyndaǵy saılaý týraly» Konstıtýsıalyq zańda jazylǵan.
«Saılaý jarnalary úsh jaǵdaıda qaıtarylady. Birinshisi – eger kandıdat depýtat bolyp saılansa. Ekinshisi – kandıdat nemese saıası partıa daýys berýge qatysqan saılaýshylar sanynyń keminde 5 paıyz daýysyn jınasa. Úshinshiden, ókinishke qaraı, mundaı jaǵdaılar da kezdesedi, sondyqtan ol zańnamada belgilengen: kandıdat nemese saıası partıanyń partıalyq tizimine engizilgen jalǵyz kandıdat qaıtys bolǵan jaǵdaıda jarna qaıtarylady» – dedi OSK múshesi Sábıla Mustafına.