Urylar qylmys ústinde qolǵa tústi.
Krımınaldyq polısıanyń málimetinshe, ońaı jolmen aqsha tabýdy unatýshylar saǵat 19:40-da bótenniń úıine kirgen. Olar sol jaqtan shyǵyp bara jatqan kezde ustaldy, dep habarlaıdy Almaty-akshamy.kz Polisia.kz-ke silteme jasap.
«Qaskóıler bul úıge kirmes buryn ony syrttan baqylaǵan. Olar páterdiń nemese úıdiń bos ekenine kóz jetkizgen kezde, kiltti úılestirip ashqan jáne tereze arqyly úıge kirgen. Ustaý kezinde kúdiktilerden altyn buıymdar men basqa da áshekeıler tárkilendi. Olardyń ıesi materıaldyq shyǵyndy jarty mıllıon teńgege baǵalaǵan. Tergeýdiń osy kezeńinde bul ekeýi jasaǵan úsh páter urlyǵy anyqtaldy, onyń ekeýi qalanyń Túrksib aýdanynda, taǵy bireýi Almaly aýdanynda boldy», – dedi Almaty qalalyq polısıa departamenti bastyǵynyń orynbasary Dıdar Ahanov.
Ahanovtyń aıtýynsha, kúdiktiler qamaýǵa alyndy. Ustalǵan 29 jasta A.esimdi azamat buryn múliktik qylmystar jasaǵany úshin sotty bolǵan, qylmystyq áreketterdiń taǵy bir sybaılasy – 1981 jyly týǵan K.esimdi azamat. Ol buǵan deıin qylmystyq jaýapkershilikke tartylmaǵan. Ustalǵandardyń jeke basy basqa da zańsyz áreketterge qatysy bar-joǵyna tekserilip jatyr.