Elimizde bala týýdyń oń dınamıkasy baıqalady
Qazaqstanda 9 aıda 341 854 bala dúnıege keldi, dep habarlaıdy Almaty-akshamy.kz Egemen.kz-ke silteme jasap.
Búgin búkil álemde Halyqaralyq bala quqyqtaryn qorǵaý kúni atap ótiledi. Densaýlyqty saqtaý quqyǵy negizgi quqyqtyń biri.
Vedomstvonyń málimdeýinshe, balalardyń densaýlyǵyn qorǵaý memlekettik saıasattyń basym baǵytynyń biri, ol «Salaýatty ult «Árbir azamat úshin sapaly jáne qoljetimdi densaýlyq saqtaý» ulttyq jobasynda kórinis tapqan.
«Bizdiń elimizde bala týýdyń oń dınamıkasy baıqalady. Jedel derekterge sáıkes respýblıkada 2021 jyldyń 9 aıynda 341 854 bala dúnıege keldi, bul ótken jyldyń uqsas kezeńinde týylǵanǵa qaraǵanda 21 552 balaǵa kóp», - delingen habarlamada.
Memleket balalardyń densaýlyq jaǵdaıyn jaqsartý jáne sábı ólimin azaıtý úshin júıeli sharalardy qolǵa alǵan. Mınıstrliktiń málimdeýinshe, aýrýlar men damý kemshiligin ýaqtyly anyqtaý úshin 3,2 mln bala profılaktıkalyq tekserýden ótken.
«Balany kishkene kezinen kútý máselesi boıynsha keńes berý úshin 600-den astam balany damytý kabıneti uıymdastyryldy. Aldyn alý úshin erte skrınıng júrgiziledi. Júktilik kezinde qursaqishilik uryqtyń prenataldy skrınıngi, týa bitken gıpotıreozdy jáne fenılketonýrıany anyqtaý úshin neonataldy skrınıng júrgiziledi. Jańa týǵan nárestelerdegi retınopatıany anyqtaý úshin oftalmologıalyq skrınıng, aýdıologıalyq skrınıng jáne erte jastaǵy balalardyń psıhofızıkalyq damý skrınıngi engizildi», - delingen habarlamada.
Sondaı-aq,17 jasqa deıingi balalardy jyl saıyn profılaktıkalyq tekserý júrgiziledi. DDU usynǵan tıimdi perınataldyq tehnologıalardy, reanımasıanyń zamanaýı ádisin iske asyrýdyń arqasynda shala týǵan balalardyń ómir súrý deńgeıi 80%-ǵa deıin artty.
Jańa tehnologıalar men zamanaýı dıagnostıkalyq jáne emdik aparatýralardy, ókpe tininiń jetilýine arnalǵan dárilik zattardy paıdalana otyryp, jańa týǵan nárestelerdi reanımasıalaý jáne qarqyndy emdeý ádisteri engizildi.