Almaty oblysynda Talǵardaǵy janjal kezinde qaıtys bolǵan 16 jasar Sherzat Bolattyń úı órtendi, dep habarlaıdy aqshamnews.kz.
TJD málimetine sáıkes, 12 qazan kúni saǵat 00:50-de úıdi jalyn sharpyǵan. Órt 01:38 oqshaýlanyp, saǵat 01:43-de tolyǵymen joıylǵan.
- Qurbandar men zardap shekkender joq. Órttiń sebebin anyqtaý úshin Almaty oblysy TJD zertteý synaq órt zerthanasy men anyqtaý bóliminiń qyzmetkerleri oqıǵa ornynda, - dep habarlady TJD.
Almaty oblysynyń Polısıa departamenti Bótenniń múlkin qasaqana joıý faktisi boıynsha is qozǵalǵanyn habarlady. Qazirgi ýaqytta kýágerlerden jaýap alynyp, sondaı̆-aq beı̆nebaqylaý kameralarynyń jazbalary zerttelip jatyr.
Sondaı-aq polısıa málimetine sáıkes, marqum Sherzat Bolattyń otbasy polısıa qyzmetkerleriniń qorǵaýyna alynǵan.
- Kelip túsken aryzǵa sáıkes 4 qazanǵa qaraǵan túni Talǵar aýdanynda qaza tapqan kámeletke tolmaǵan balanyń otbasy kúzetpen qamtamasyz etilgen. Otbasynyń turǵylyqty jeri boıynsha qaýipsizdikti qamtamasyz etý úshin polısıa qyzmetkerleriniń tarapynan táýlik boıy kezekshiligi uıymdastyryldy, - dep habarlady oblystyq PD baspasóz qyzmeti.
Talǵarda óltirilgen 16 jastaǵy Sherzattyń otbasynyń úıin órteý faktisi boıynsha qylmysty ashý maqsatynda Bas prokýratýranyń basshylyǵymen 12 qazanda vedomstvoaralyq jedel-tergeý toby quryldy.
«Kinálilerdi anyqtap, jazaǵa tartý úshin barlyq sharalar qabyldanatyn bolady. Qylmystyq is Qazaqstan Respýblıkasynyń Bas prokýrorynyń baqylaýyna alyndy», — dep habarlady vedomstvo.
Eske salaıyq, buǵan deıin buǵan deıin 4 qazan kúni Talǵar qalasyndaǵy tóbelesten jasóspirim qaıtys bolǵan edi.