Júrgizýshi kýáliginen aıyrylǵan mas er adam polısıadan qashyp, patrúldik kólikpen soqtyǵysty

Júrgizýshi kýáliginen aıyrylǵan mas er adam polısıadan qashyp, patrúldik kólikpen soqtyǵysty, - dep habarlaıdy aqshamnews.kz tilshisi. 
 
Júrgizýshi kýáliginen aıyrylǵan er adam mas kúıinde avtokólik tizginin ustaǵan.
 
Polısıa qyzmetkerleri toqtatý talabyn qoıǵan kezde, ol zańdy talapqa baǵynbaı, oqıǵa ornynan boı tasalaýǵa tyrysqan.
 
Qashyp bara jatyp birneshe ret jol qozǵalysy erejelerin óreskel buzyp, aınaladaǵy adamdardyń ómiri men densaýlyǵyna qaýip tóndirdi.
 
Keıin patrúldik avtokólikpen soqtyǵysqan.
 
Buzaqy ustalyp, ýaqytsha ustaý ızolátoryna qamaldy.
 
Sot úkimimen ol kináli dep tanylyp, 4 jyl merzimge bas bostandyǵynan jáne ómir boıy kólik basqarý quqyǵynan aıyryldy.
 
Keltirilgen materıaldyq shyǵyn sottalýshymen tolyq kólemde óteldi.
 
Prokýratýra Kólik júrgizý quqyǵynan aıyrylǵan adamnyń alkogóldik, esirtkilik nemese ýytqumarlyq mas kúıinde kólik basqarýy, sondaı-aq mundaı adamǵa kólik quralyn basqarýǵa múmkindik berý — Qazaqstan Respýblıkasynyń zańnamasyna sáıkes, ómir boıy kólik júrgizý quqyǵynan aıyra otyryp 10 jylǵa deıin bas bostandyǵynan aıyrý jazasyna alyp keletinin eskertedi.