Prıntmedıa tehnologıalar kolejinde 2025 jylǵy 24 sáýirde ótken merekelik is-shara – jumysshy mamandyqtarynyń bedelin arttyrý baǵytyndaǵy mańyzdy qadamdardyń biri boldy.
2024-2025 oqý jylynda atalmysh oqý ornynan 534-ke jýyq túlek polıgrafıa jáne basqa da suranysqa ıe jumysshy mamandyqtary boıynsha dıplom alyp, eńbek jolyn bastaýǵa daıyn. Bul — kásibı bilim berý júıesiniń naqty nátıjesi men sapasynyń aıǵaǵy.
Kásibı tájirıbeden ótken stýdentterge jumys berýshiler tarapynan «Altyn sertıfıkat» tabystalýy — olardyń eńbegine berilgen joǵary baǵa. Bul sertıfıkat — tek qurmet qana emes, bolashaqqa degen senimniń nyshany. Mundaı júıe jastardyń teorıany tájirıbemen ushtastyryp, naqty óndiristik ortada biliktilik alýyna múmkindik beredi.
50 úzdik túlek – mansap jolynda nyq qadam
«Jumysshy mamandyqtar jyly» aıasynda uıymdastyrylǵan bul is-sharada kolejimizdiń 50 shaqty úzdik túlegi «Altyn sertıfıkatpen» tabystalyp, turaqty jumysqa ornalasty. Olar ózderiniń kásibı jetistikterimen kolej abyroıyn kóterip, ony mansap jolyna shyǵardy.
Polıgrafıa salasy – naryqtyń qajetti baǵyty
Búginde polıgrafıa salasy – naryqta joǵary suranysqa ıe, qarqyndy damyp kele jatqan baǵyttardyń biri. Baspa ónimderine, qaptamalarǵa, jarnamalyq materıaldarǵa jáne san alýan polıgrafıalyq qyzmetterge degen qajettilik artyp keledi. Sondyqtan bul salada bilim alǵan bilikti mamandar – eńbek naryǵy úshin asa qundy.
İs-shara barysynda úzdik túlekterdi marapattaýǵa bizdiń senimdi seriktes jumys berýshilerimiz de belsendi atsalysty. Atap aıtqanda:
- Hýsaınova Saýle Kamıevna – JSHS RPBK «Dáýir» baspahanasynyń óndiristik-tehnıkalyq qamtamasyz etý bóliminiń basshysy,
- Maýlýnberdov Nýrlan – TOO «Baspager» kompanıasynyń satý jónindegi dırektory,
- Ilahýnov Abdýshker Sabırovıch – TOO «Easy Pack PRO» kompanıasynyń dırektory,
- Balgabaev Daýlet Alımbaevıch – TOO «Smart university press» baspasynyń dırektory,
- I. T. Begalıev – TOO «Polıgrafkombınat» dırektory,
jas túlekterge saltanatty túrde «Altyn sertıfıkat» tabystap, olardyń eńbek jolyndaǵy alǵashqy jetistigin atap ótti.
«Altyn sertıfıkat» ıegerleri – tek ózderiniń jeke jetistigin ǵana emes, búkil kásibı bilim berý júıesiniń sapaly nátıjesin kórsetti. Bul marapat – jastardyń jigerin janyp, memleket tarapynan kórsetilgen senim men qoldaýdyń naqty kórinisi. Polıgrafıa sekildi eńbek naryǵynda suranysqa ıe baǵyttar boıynsha kásibı mamandar daıarlaý – el ekonomıkasynyń turaqty damýyna qosylatyn mańyzdy úles. Bul sertıfıkat – oqý jetistikterinen kásibı bilim, bilik pen umtylysty naqty iske asyrý kezeńine ótý núktesin bildiredi. Ol túlektiń tańdaǵan mamandyǵyna degen adaldyǵy men daıyn ekenin aıqyndaıtyn sımvolǵa aınaldy. Altyn sertıfıkat – túlekterdiń tabandylyǵy men eńbekqorlyǵyna kórsetilgen shynaıy alǵys belgisi, ári olardyń kásibı joldaǵy alǵashqy mańyzdy qadamyn bildiretin mártebeli marapat. Sertıfıkat ıegerleri endi kásibı mamandar qatarynda. Bolashaqtary – jetistikke, ósimge jáne ózara qurmetke toly bolaryna senim mol. Bul qadam – úlken jetistikterdiń alǵashqysy bolǵaı!
