Eńbek resýrstaryn basqarýdyń tıimdiligin arttyrýǵa kómektesetin "Adam resýrstaryn basqarý" sıfrlyq platformasyn qurý josparlanýda
2025 jyly áleýmettik-eńbek salasynda jasandy ıntellektti paıdalaný keńeıtiletin bolady, dep habarlaıdy aqshamnews.kz
Sebebi, eńbek mınıstrligi áleýmettik-eńbek salasyn sıfrlandyrý boıynsha belsendi jumys júrgizýde.
Búgingi tańda 50-ge jýyq memlekettik qyzmettiń 45-i elektrondyq formatta kórsetiledi, onyń ishinde olardyń 28-i proaktıvti. Zamanaýı sıfrlyq quraldar, sonyń ishinde JI qyzmetterdiń tıimdiligi men jekelendirilýin arttyrady.
Osylaısha, "Enbek" sıfrlyq ekojúıesi qazaqstandyqtarǵa jumyspen qamtý salasynda kásiptik baǵdarlaýdan bastap jumysqa ornalasýǵa deıingi qyzmetterdiń keń kólemin usynady.
"Elektrondyq eńbek bırjasynyń portalynda kútiletin jalaqy, turǵylyqty aımaq jáne kásibı daǵdylar sıaqty parametrlerdi eskerip, bar usynystardy tańdaı otyryp, túıindemeler men bos jumys oryndaryn taldaıtyn jasandy ıntellekt modeli qoldanylady. Bıyl bos jumys oryndaryn avtomatty túrde irikteý boıynsha múmkindikter keńeıtiletin bolady, bul jumys izdeýdi 90% - ǵa jedeldetýge múmkindik beredi", - dep jazylǵan habarlamada.
Budan basqa bıyl kadrlarǵa qajettilikti boljaýǵa, oqytý baǵdarlamalaryn eńbek naryǵynyń naqty suranystaryna beıimdeýge jáne eńbek resýrstaryn basqarýdyń tıimdiligin arttyrýǵa kómektesetin "Adam resýrstaryn basqarý" sıfrlyq platformasyn qurý josparlanýda.