Jyl basynan beri óńirde 1134 jas otbasy neke kýáligin alǵan. Byltyr 4 myńǵa jýyq neke tirkelgen edi, dep habarlaıdy almaty-akshamy.kz.
Sońǵy jyldary óńirde otbasyn quram degen jastardyń qatary artyp keledi. Áttegen-aıy sol, kóp uzamaı ajyrasýǵa aryz bergender de tabylady. Degenmen úlken maqsat jolynda otbasyn saqtap qalýǵa beıil otaýlar da jetedi. Qazir óńirde qıyndyqqa tap bolǵan otbasymen jumys isteıtin ortalyqtar bar. Onda tipti arnaıy psıhologtar qyzmet kórsetedi.
Jetisýda basqa óńirler sekildi ajyrasý deńgeıi joǵary oblystar qataryna jatady. Alaıda otbasyn saqtap qalǵan jastar kóp. Biz osy baǵytta túrli formady kezdesýler ótkizemiz. Árıne, aldymen otaý qurýǵa bekip, artynan aınyp qalatyndar da az emes. Olar ártúrli sebep aıtady. Minezdiń úılespeýi, materıaldyq jaǵdaıdyń sheshilmegeni, ózara túsinispeýshilik kedergi keltiredi. Ata-analary da araǵa túsedi. Osy rette ony da ashyp aıtady, - deıdi psıholog Móldir Amanova.
Jalpy neke sany boıynsha kósh bastap turǵan Taldyqorǵan qalasy men Panfılov jáne Alakól aýdandary. Munda júzdegen otbasy otaý qurǵan.
Búginde «Azamattarǵa arnalǵan úkimet» elimizdiń bas qalasynda jáne Qaraǵandy, Almatyda, sonymen qatar Qostanaıda nekeni saltanatty túrde tirkeıdi. Qazir atalǵan qyzmetti basqa qalalarda engizýdi josparlanýda. Onyń qatarynda Taldyqorǵan da bar. Sondaı-aq balanyń týýyn saltanatty tirkeýdi engizý oılastyrylýda. Qazirdiń ózinde týý týraly kýálikterdi jetkizý jáne olardy ata-analaryna tikeleı perzenthanalarda tabystaý boıynsha jumystar júrip jatyr.
Árıne, otbasynda kıkiljiń bolyp turady, biraq biz ony ekeýara áńgimelesip sheshemiz. Otbasy baqytty bolý úshin eki adam birdeı kúsh salýy qajet, - deıdi jańadan otaý qurǵan Asyl men Álıa.