Qazir taratý jelileriniń qurylysyn salýǵa arnalǵan jobalyq-smetalyq qujattama boıynsha memlekettik saraptamanyń oń qorytyndysyn alý kútilýde. Jelilerdi tartý jumysyn Jetisý oblysynyń ákimdigi atqarady.
Aýqymdy joba Jetisý oblysyndaǵy gazdandyrý deńgeıin edáýir jaqsartyp, turǵyndardy senimdi ári ekologıalyq taza energıamen qamtamasyz etýge múmkindik beredi.
Sondaı-aq, katarlyq seriktestermen birlesip strategıalyq mańyzy bar «Beıneý – Bozoı – Shymkent» gaz qubyrynyń ekinshi jelisiniń qurylysy jalǵasýda. Jalpy, bıyl respýblıka boıynsha 81 jobany iske asyrý josparlanyp otyr. Sonyń nátıjesinde 94 eldi mekenniń shamamen 300 myń turǵyny tabıǵı gazǵa qol jetkizedi. Osylaısha, jyl qorytyndysy boıynsha Qazaqstannyń gazdandyrý deńgeıi 63,8 paıyzǵa jetedi.