Jetisý oblysynda alaıaq bireýlerdiń atynan 40 mln teńgege nesıeler alǵan, - dep habarlaıdy aqshamnews.kz tilshisi.
Jetisý oblysynda azamattardyń senimine kirip, olardyń atyna nesıeler men mıkronesıeler rásimdep, jeke paıdasyna jaratqan er adamǵa qatysty qylmystyq is boıynsha sot talqylaýy aıaqtaldy.
Sottalǵan adam jábirlenýshilerdiń jeke derekterin jáne elektron sıfrlyq qoltańbasyn alyp, olardy zańsyz nesıe rásimdeýge jáne aqshalaı qarajatty ıemdenýge paıdalanǵan.
Qylmystyq áreketterdiń saldarynan 14 azamat zardap shegip, keltirilgen materıaldyq shyǵynnyń jalpy somasy 40 mln teńgeden asty.
Sot úkimimen ol kináli dep tanylyp, 4 jyl 6 aı merzimge bas bostandyǵynan aıyryldy.
Sot úkimi zańdy kúshine endi.