Jetisý oblysynyń aýyl sharýashylyǵy basqarmasynyń málimdemesine sáıkes, qant qyzylshasy shirip jatyr degen aqparat shyndyqqa sáıkes kelmeıdi, dep habarlaıdy aqshamnews.kz.
Esterińizge sala keteıik, óńir fermerleri rekordtyq qant qyzylshasy óniminiń jınaýynda jáne óńdeýinde qıyndyqtarǵa tap bolǵan. Qant zaýyttary shamadan tys júktelgen, al ónimniń bir bóligi dalada shirip jatyr dep habarlanǵan bolatyn.
Aýyl sharýashylyǵy basqarmasynyń málimdemesine sáıkes, Karatal aýdanynyń «Iýgaı» sharýa qojalyǵynyń basshysy Nıkolaı Iýgaı «tonnalarmen qyzylsha dalalarda qardyń astynda shirip jatyr» degen pikirdi teriske shyǵardy.
«Qabyldanatyn qyzylshany kún saıyn zaýyttardyń zerthanalarynda tekseredi. Ónimniń shirýi nemese búlinýi týraly derekter tirkelgen joq. Aýa raıy jaǵdaılary ónimdi zaýyttarǵa tasymaldaýǵa deıin saqtaýǵa múmkindik beredi», – dep habarlady vedomstvo.
Jetisý ákimdigi qant qyzylshasyn jınaýda eshqandaı másele joq ekenin taǵy da qaıtalap aıtty.