Jetisý oblysynyń densaýlyq saqtaý salasy 40 jedel járdem kóligimen tolyqty, dep habarlaıdy Almaty-akshamy.kz Inform.kz-ke silteme jasap.
Taldyqorǵanda kólikterdiń kiltin berý rásimi saltanatty túrde uıymdastyrylyp, oǵan oblys ákimi Beıbit Isabaev pen Jetisý oblystyq densaýlyq saqtaý basqarmasynyń basshysy Asqar Djansengirov qatysty.
«Bıyl oblysta densaýlyq saqtaý salasyna 1,4 mlrd teńge qarjy bólindi. Sonyń edáýir bóligi materıaldyq bazany jaqsartýǵa baǵyttalyp otyr.
Memlekettik qoldaýdyń arqasynda bıyl oblystyń 6 aýdanynyń aýyldarynda 12 blok-modýldik medısınalyq keshen ornatylady.
Eki jylda mundaı nysandar taǵy 40 aýylda salynady.
2023 jyldan bastap «Aýyldyq densaýlyq saqtaýdy jańǵyrtý» ulttyq jobasy aıasynda óńir aýyldarynda taǵy 59 nysannyń qurylysy josparlanǵan (15 dárigerlik ambýlatorıa, 39 feldsherlik-akýsherlik pýnkt, 5 medpýnkt).
Medısına mekemelerin salý men olardy kúrdeli jóndeý, zamanaýı qural-jabdyqtarmen qamtý jóninde Prezıdent Qasym-Jomart Toqaev oblysqa kelgen saparynda bizge naqty tapsyrma berdi.
Soǵan baılanysty oblysta medısına salasynda qurylys qarqyndy jalǵasady.
Bizde, ásirese aýyldyq jerlerde jedel járdem kóliginiń jetispeýshiligi baıqalady.
Jedel járdem qyzmetkerleri – naýqastarǵa birinshi kezekte shuǵyl kómek beretin negizgi brıgada.
Sondyqtan onyń tıisti sanıtarlyq kóliktermen qamtamasyz etilýi asa mańyzdy.
«Soǵan oraı 13 sanıtarlyq avtokólik satyp alynyp, aýdandarǵa beriledi (8 berildi, 5-eýi qańtarda beriledi). Ótken jyly jedel járdem avtoparki sanıtarlyq kóliktiń kiltin tapsyrǵaly turmyz. Bul jedel járdem avtokólikter alǵashqy medısınalyq kómekke qajetti barlyq quraldarmen jabdyqtalǵan», - dedi Jetisý oblysynyń ákimi Beıbit Isabaev.
Óńir basshysynyń sózinshe, oblystaǵy jedel járdem stansasynyń sanıtarlyq avtokólikpen qamtamasyz etilýi 100%-ǵa jetti.