Jumystar kelesi oqý jylynyń basynda aıaqtalady.
Aýdan mektepterindegi oqýshy oryndarynyń tapshylyǵyn qysqartý maqsatynda 3 mektepke qosymsha qurylys salý jumystary júrgizilýde, dep habarlaıdy Almaty-akshamy.kz
Osy qyrkúıek aıynda №148 mektepte 300 oryndyq qosymsha qurylys salý bastaldy. Sondaı-aq, qazan aıynda №101 mekteptiń akt zalyn salý bastaldy, ol da 2023 jyldyń tamyz aıynda aıaqtalady.
Bıylǵy qazan aıynda №112 mektepke 300 oryndyq, №103 mektepke 200 oryndyq qosymsha qurylys salý jobalaryna saraptama qorytyndysy alyndy, qurylysyn
2023 jyldyń İ-shi toqsanynda bastaý josparlanǵan.
Osy qarasha aıynda №129 mektepte seısmıkalyq kúsheıte otyryp, kúrdeli jóndeý jumystary aıaqtaldy.
Qazan aıynda № 80 mektepte kúrdeli jóndeý jumystary bastaldy, jumystar 2023 jyldyń İV-shi toqsanynda aıaqtalady.
Mektepke deıingi uıymdardaǵy oryn tapshylyǵyn qysqartý maqsatynda 440 oryndyq 2 balabaqshanyń qurylys-montajdaý jáne jobalaý jumystary júrgizilýde.
«Aınabulaq-4» shaǵyn aýdanynda 160 oryndyq balabaqshanyń qurylysy bastaldy. Qurylysy kelesi jyldyń maýsym aıynda aıaqtalady.
Osy jyldyń maýsym aıynda jeke menshikte bolǵan eki qabatty ákimshilik ǵımarat satyp alyndy. Qazirgi ýaqytta 280 oryndyq balabaqshany kúrdeli jóndeý úshin jobalaý-smetalyq qujattama ázirlenýde. Jobalaý jeltoqsanda aıaqtalyp, qurylysy 2023 jyldyń I-shi toqsanynda bastalady. Bul mektepke deıingi mekemege Ratýshnyı-Qazybaev-Serikov-Rysqulov kóshelerinde turatyn balalar bara alady.