Kóshelerdi sý basý máselesi birtindep sheshimin tappaq
Bul jaıynda Almaty ákámá Erbolat Dosaevtyń Jetisý aýdanynyń turǵyndarymen ótken kezdesýde aıtyldy, dep habarlaıdy Almaty-akshamy.kz.
Ótken kezdesýlerde Jetisý aýdanynyń turǵyndary jeke sektordy, atap aıtqanda Rabochıı kentindegi sý basý máselesin kótergen bolatyn.
Aýdan ákimdiginiń kúshimen Brúsov kóshesindegi úılerdi únemi sý basý problemasy joıyldy.
Qosymsha 16 mekenjaıda uzyndyǵy 7,1 km aryq rekonstrýksıalandy.
Sonymen qatar aýdanda qatty jaýyn jaýǵan kezde turaqty sý basatyn 8 ýchaske bar.
Tótenshe jaǵdaı jelisi boıynsha bul problemany sheshý úshin uzyndyǵy 7,2 km aryq jelisin salý, 2,2 km kolektordy qalpyna keltirý jáne 2,5 km Esentaı kanalynda tazartý jumystary júrgizilýde. Bul jumystardy jyl sońyna deıin aıaqtaý josparlanǵan.
Kelesi jyly Ekologıa jáne qorshaǵan orta basqarmasynyń jelisi boıynsha uzyndyǵy 27 km bolatyn 27 ýchaskege aryq jelilerin salý josparlanǵan.