Ǵalymdar Ilon Masktyń jerserikteri zertteýge kedergi keltiretinin aıtty
SpaceX kompanıasynyń kóptegen Starlink jerserikteri astronomdarǵa sapaly sýretter túsirýge ári yqtımal qaýipti asteroıdtardy baqylaý jumysyna kedergi keltirýi múmkin, dep habarlaıdy Almaty-akshamy.kz Zakon.kz-ke silteme jasap.
Bul týraly Astrophysical Journal Letters ǵylymı jýrnalynda jarıalanǵan zertteýde aıtylady.
Zertteýshiler Starlink jerserikteriniń Ońtústik Kalıfornıadaǵy Palomar observatorıasynda astronomdar túsirgen 300 myńǵa jýyq sýretterge áserin taldady. Sonymen, 2019 jyldyń qarashasynan 2021 jyldyń qyrkúıegine deıin olar sapasyz sýretter sanynyń 35 ese óskenin anyqtady. 2019 jyly túsirilgen sýretterdiń 0,5% kólegeılenip qalsa, al qazir bul kórsetkish 20%-ǵa deıin ósken.
Vashıngton ýnıversıtetiniń astronomy Erık Belldiń aıtýynsha, kún sáýlesiniń shaǵylysqan jolaqtary qaýipti asteroıdtardy izdeýdi qıyndatýy múmkin.
Zertteýshilerdiń aıtýynsha, qazir Jer orbıtasynda 1,6 myńnan astam Starlink jer serikteri aınalyp júr. Jalpy alǵanda, kompanıa 12 myń nysandy aınalymǵa shyǵarýǵa ruqsat aldy jáne taǵy 30 myńyna ótinim berdi.