Áıelder komandasy «Jeńis» fýtbolshysy Vıktorıa Kaısarınova 23 qyrkúıekte bolǵan jol apatynan kóz jumdy, - dep habarlaıdy Aqshamnews.kz.
Komanda málimetinshe, Kaısarınova Astana men Pavlodardy jalǵaıtyn tas jolda bolǵan jol-kólik oqıǵasynyń saldarynan kóz jumǵan. Belgili bolǵandaı, fýtbolshy otyrǵan kólik júrgizýshisi qozǵalys qaýipsizdigin qamtamasyz etpeı, qashyqtyqty saqtamaǵandyqtan, kólik júk kóligimen soqtyǵysqan.
Komanda Vıktorıa Kaısarınovanyń týǵan-týystary men jaqyndaryna kóńil aıtyp, onyń jarqyn oıynshy ári naǵyz dos bolǵanyn atap ótti.
— «Jeńis» fýtbol klýby Vıktorıa Kaısarınovanyń otbasy men jaqyndaryna osy qaıǵyly jaǵdaıǵa baılanysty tereń qaıǵyryp, kóńil aıtady.
Búgin Pavlodar-Astana tas jolyndaǵy jol-kólik oqıǵasy saldarynan bizdiń komandanyń fýtbolshysy Vıktorıa Kaısarınova kóz jumdy. Júrgizýshi jol qozǵalysy qaýipsizdigin qamtamasyz etpeı, araqashyqtyqty saqtamaǵan. Saldarynan júk kóligimen soqtyǵysqan.
Bul jaǵdaıǵa áli de sený qıyn. Bul bizdiń búkil klýb úshin aýyr jáne orny tolmas qaza. Vıktorıa jarqyn oıynshy jáne naǵyz dos boldy. Biz onyń otbasymen, týystarymen jáne jaqyndarymen birge qaıǵyramyz. Ol bizdiń júregimizde máńgi saqtalady, — delingen habarlamada.