Jeńil atletıkadan Qazaqstan quramasynyń ókili Nora Djerýto Japonıanyń Tokıo qalasynda ótip jatqan álem chempıonatynyń fınalynda baq synady, - dep habarlaıdy Aqshamnewsw.kz.
Sportshy 3000 metr qashyqtyqqa tosqaýyldar arqyly júgirýden sheshýshi kezeńge joldama alǵan bolatyn.
Fınaldyq saıysta Djerýto aldyńǵy topta kele jatty. Sońǵy aınalymda qola júlde úshin talasty.
Alaıda sońǵy tosqaýyldardyń birinde súrinip, qulap qaldy. Nátıjesinde altynshy bolyp máre syzyǵyn kesti - 9:06.34.
Kenıalyq Feıt Cherotıch jeńiske jetti - 8:51.59. Bahreın atynan synǵa túsken Vınfred Iavı ekinshi orynǵa taban tiredi - 8:56.46. Úzdik úshtikti efıopıalyq Sembo Almaıý túıindedi - 8:58.86.