Almatyda 2025 jyldyń birinshi jartyjyldyǵynyń qorytyndysy boıynsha kelgen týrıserdi ornalastyrý salasynda kórsetilgen qyzmetter kólemi 50,1 mlrd teńge boldy, - dep habarlaıdy Aqshamnews.kz.
Bul ótken jyldyń osy kezeńimen salystyrǵanda 16,6% artyq. Bul týraly qalalyq týrızm basqarmasy habarlady.
Olardyń dereginshe, mundaı ósim týrızm salasynyń turaqty damyp kele jatqanyn jáne Almatyǵa ishki ári halyqaralyq týrıser tarapynan qyzyǵýshylyqtyń arta túskenin kórsetedi.
Almatynyń Týrızm basqarmasy habarlaǵandaı, qaladaǵy nómirlik qory ótken jylmen salystyrǵanda 8% artyp, 12 552-ge jetken. Megapolıste 377 ornalastyrý nysany jumys isteıdi. Bul týrıser men iskerlik sapardaǵy qonaqtar úshin de jaıly ornalasýǵa múmkindik beredi.
«Búginde Almaty týrısik ortalyq retindegi pozısıasyn nyǵaıtyp keledi. Qaladaǵy ornalastyrý oryndarynyń bir mezettegi syıymdylyǵy 22 768 tósek-oryn, bul qonaqtardy kóbirek qabyldaýǵa jol ashady. İshki jáne sheteldik týrıser tarapynan qyzyǵýshylyq artqanyn baıqap otyrmyz. Jańa jobalar jumys oryndaryn ashyp, ınfraqurylymdy jaqsartyp, Almatyda demalysty qoljetimdi ári jaıly etedi», – dep atap ótti qalalyq týrızm basqarmasy.
Bıyl jyl basynan beri jeke ınvestısıalar esebinen 34 jańa týrısik nysan paıdalanýǵa berildi. Olardyń ishinde 11 qonaq úı, 1 glempıng, 1 kapsýlalyq qonaq úı, 18 hostel jáne 3 demalys bazasy bar. Bul nysandar týrıserdi jaıly ornalastyrý múmkindikterin edáýir keńeıtip, Almatynyń halyqaralyq arenadaǵy tartymdylyǵyn arttyrady.
Buǵan qosa, qala ákimdigi janyndaǵy jobalyq keńse aıasynda 6 794 nómirge arnalǵan 58 qonaq úı qurylysy jobasy men 35 týrısik nysannyń jobalaý jáne qurylys jumystary monıtorıń júrgizilýde. Bul kórsetkishter salanyń qarqyndy damýyn ári uzaq merzimdi áleýetin kórsetedi.
