Premer-mınıstrdiń orynbasary Tamara Dúısenova Májilistiń jalpy otyrysynda jemqorlardan qaıtarylǵan qarajatqa bıyl 25 mektep salynatynyn aıtty, dep habarlaıdy almaty-akshamy.kz.
Ońtaıly jáne qoljetimdi bilim ınfraqurylymy da bilim sapasynyń bir bóligi. Osyǵan baılanysty apatty jáne úshaýysymdy mektepter máselesin joıý úshin birneshe kózden mektep salý qolǵa alyndy. Atap aıtqanda, 1Jaıly mektep1 ulttyq jobasy. Onyń aıasynda 369 mektep salynǵaly otyr, - dedi ol.
Vıse-premerdiń aıtýynsha, jemqorlyq qylmysy aıasynda tárkilenip, qaıtarylǵan qarajat esebinen byltyr 36 mektep salynsa, bıyl taǵy 25 mektep salynbaq. "Aýyl el besigi" baǵdarlamasy jáne jergilikti búdjetten byltyr 7 mektep paıdalanýǵa berilse, bıylǵy meje taǵy 6 mektep salý bolyp otyr.
Belsendilik tanytyp kele jatqan qosymsha bir baǵyt bul bıznes ınvestısıa. Byltyr 56 jekemenshik bilim oshaǵy iske qosyldy. Jalpy mundaı jeke menshik mektepterdiń sany búginde 667-ge jetti. Onda 250 myńnan asa bala tálim alyp jatyr. Jalpy mektep salý úshin barlyq kózden bólingen qarajattyń 2 jyldyq somasy 2,4 trln teńgeni qurap otyr, - dep túsindirdi Dúısenova Májiliste.
Sondaı-aq bıyl 270 mektep kúrdeli jóndeýden ótkiziledi.