Saltanatty kesh qonaqtaryn merekelik dastarhanǵa shaqyryp, iltıpat kórsetti
Almatydaǵy Tergeý ızolátorynda jazaly áıelderge arnalǵan merekelik kesh ótti, dep habarlaıdy Almaty-akshamy.kz.
Halyqaralyq Áıelder meıramy Almaty qalasy boıynsha QAJD LA-155/18 mekemesindegi (tergeý ızolátory) sharýashylyq qyzmettegi sottalǵandar arasynda da jyl saıyn kóterińki kóńil-kúımen atap ótiledi.
Bıyl da sharýashylyq qyzmet jasaǵynyń er-azamattary ózderimen birdeı jazalaryn ótep júrgen áıelderge arnap kóńildi kesh uıymdastyrdy.
Merekelik saltanat aldynda sottalǵandar jasaqtaǵy qyz-kelinshekterdi sazdy áýen saltanatymen qarsy alyp, gúl shoqtaryn usyndy. Jigitterdiń sottalǵan áıelderge ǵana emes, ózderiniń analary men qaryndastaryna, jarlaryna arnap salǵan ánderi men júrekten shyqqan arnaý óleńderi keshke qatysýshylardy úlken áserge bóledi.
Jazaly azamattar sondaı-aq, saltanatty kesh qonaqtaryn merekelik dastarhanǵa shaqyryp, iltıpat kórsetti. LA-155/18 mekemesiniń Tárbıe bóliminiń uıymdastyrýymen ótken merekelik keshte atalǵan bólimniń bastyǵy ádilet maıory K.Turlybekov quttyqtaý sóz sóılep, temir tordyń ar jaǵynda júrse de, analar men arýlar merekesinde azamattyq tanytyp, merekege qatysqan belsendi sottalǵandarǵa alǵys bildirdi.