Ustaz... Mektep... Oqýshy... Osy bir sózderdi estigennen-aq júregim jylyp sala beredi. Aldymnan qansha shákirt túlep ushsa da, ózime alǵash árip úıretken ustazymdy esten shyǵarǵan emespin. Óıtkeni, men jetken ár bıikte alǵashqy ustazymnyń qoltańbasy bar. Ustaz bolý – janam degen júrekke ot beretin, jaýapkershilik pen danalyqtan turatyn uly qyzmet... Shákirtim bilsin, úırensin degen árbir sát – ustaz úshin eń baqytty sát, óıtkeni ustazdyq – kez kelgenge buıyrmaıtyn sybaǵa! Baqytyn shákirtinen izdeıtin, ustazdyń tynymsyz eńbeginen turatyn, dara da dana mamandyq. San jyldar boıy eńbek ete júrip, túıgenim, ustazdy shabyttandyrýshy – shákirt, al shákirtti shabyttandyrýshy – ustaz!
Ustaz – ár shákirttiń júregine nur quıatyn, kúnniń sáýlesindeı olardy bilim shyńyna jeteleıtin, aıaýly da ardaqty jan. Osynaý mamandyq ıelerimen ómir mándi, nege deseńiz, dana da, dara da ustaz ald y n a n sh y ǵ a d y . U l t u s t a z y A.Baıtursynovtyń týǵan kúni 5 qazannyń ustazdar kúni bolyp atalýy – kóńilge úlken qýanysh uıalatqanyn jasyrmaımyn. Almaty qalasyndaǵy oqý-aǵartý salasyndaǵy, mektep, balabaqshalarda eńbek etetin barsha ustazdardy tól merekesimen quttyqtap, M.Maqataev atyndaǵy №140 gımnazıanyń ustazdary jaıly tilek-tolǵaýymdy bildirmekpin.
Ustaz – tilekpen, nıetpen, ózine aıtylǵan alǵyspen qanattanady. Ustazǵa shaǵym aıtý, eńbegin baǵalamaý – aıyptardyń eń aýyry. Ustaz eshqashan shákirtine jamandyq tilemeıdi, óıtkeni onyń eńbegi sol ózi baptaǵan shákirtpen baǵalanady. Eń aldymen, qoǵam ustazdy qadirleýge, qurmetteýge daıyn bolǵanda ustaz da shabyttana jumys jasaıtynyn umytpaýymyz kerek. Ustaz shabyttanǵanda ne isteı alady? Shynaıy shyǵarmashylyqpen úzdiksiz izdeniste jumys jasaıdy, ótkenge esep berip, jańany josparlaıdy. Osydan qaınaǵan tirshilikke tózimdi, jan-jaqty tulǵa qalyptastyrýda tynbaı eńbektenetin áriptester álemi qalyptasady. Ustazdyq, mine, osynysymen qundy, osynymen qasterli! M.Maqataev atyndaǵy №140 gımnazıa ákimshiligi basqarý menedjmentinde osylardy basshylyqqa alady.
Bilimdi urpaq qalyptastyrý úshin ustazdyń jaǵdaıyn jasaýymyz kerek. Ustazǵa jasalǵan jaǵdaı – urpaqqa jasalǵan jaǵdaı. Qazir memleket tarapynan ustazdarǵa barlyq jaǵdaı jasalýda, al qazirgi maqsat – ár mektep basshysynyń ózi basshylyq jasaıtyn mektepte qolaıly orta qalyptastyrýy. Ár ustaz – bir tulǵa. Árqaısysynyń aıtary bar, árbiri toly ken, túrtip ketseń, shyǵarmashylyqtyń lebi esetin, árqashan oqýshymen jumys jasaýǵa umtylyp turatyn ustazǵa erkindik berý arqyly kóp túıindi máselelerdi sheshýge bolady.
Ol qandaı erkindik? Shyǵarmashylyq erkindik pen kóshbasshylyq erkindik. Árbiriniń aıtaryn tyńdap, ortaq sheshim shyǵarý arqyly shákirt júregine jol taýyp júrgen №140 gımnazıanyń ustazdary – osyndaı erkindiktiń ıesi. «Pedagogıkalyq jumystaǵy sheshýshi nárse – eń jaqsy oqytý ádisterin taba bilýde» dep aǵartýshy Ybyraı Altynsarın aıtqandaı, №140 gımnazıa ustazdary – jańa ınovasıalyq tehnologıalardy meńgergen, bilimdi urpaqty qanattandyrý jolynda aıanbaı eńbektenip kele jatqan, kásibı sheber mamandar S.Temirbaeva, N.Temirova, A,Ertýǵanova, S.Saparova, L.Ómirzaqova, Sh.Ábdibaeva, R.Seıdalıeva, A.Besirova, K.Ertýǵanova, J.Asanova, G.Chaızadanova, B.Iskakova, G.Dúısenova, Z.Nazarova, A.Jaqypbekova, B.Sataeva, E.Bazyljan, L.Qarǵabaeva, U.Myrzabekova, Q.Qapshaevtar – gımnazıa maqtanyshtary.
Ár pedagog gımnazıaǵa qýana kelip, qýana qaıtady. Nege deseńiz, pedagogtiń kóńil kúıi jumystyń sapaly júrýine yqpalyn tıgizedi. Árbir muǵalim ustazdyq qyzmet barysynda pedagogıkalyq ádep qaǵıdarlaryn qatań ustanady. Ustaz etıkasy – muǵalim men bala, ata-ana men muǵalim arasyndaǵy qarym-qatynasty durys ornatýǵa negiz ári ujym ishindegi, muǵalimder, oqýshylar, ata-analar arasyna altyn kópir bolýda.
Ustazdyq – uly qyzmet. Osynaý mamandyqtyń ıesi bola júrip túıgenim: ulylyqtyń kilti – qarapaıymdylyqta! Tarıhta aty qalǵan nebir dana, daralar ózderiniń bıiktigin qarapaıymdylyǵymen tanytqan. Gımnazıa ustazdarynyń bir shoǵyryn kásibı sheber, ádisker ustazdar qurasa, bir shoǵyryn jas mamandar quraıdy. 30-ǵa tarta er muǵalimder ustazdyq qyzmet etetin gımnazıa – ulttyq qundylyqtardyń ordasy retinde de tanymal. Qyrkúıek aıynyń 23-i kúni gımnazıanyń ósip-órkendeýine úles qosyp kele jatqan ardager, kásibı sheber ustazdary artqy tolqynǵa úlgi-ónege kórsetý úshin, «Ulyq bolsań, kishik bol!» aıdarymen ustazdar merekesi qarsańynda bir tamasha joba – «Tulǵańdy armanyma uqsatqanmyn» atty muǵalimder kúnine arnalǵan mýzykalyq revú ótkizdi. Bunyń ózi aldyńǵy tolqynnyń izbasar tolqynǵa tamasha syıy boldy.
Gımnazıa ustazdary 2014 jáne 2017 jyldary «Altyn belgige» mektepti bitirgen N.Ábdimanap, B.Shaızah, B.Moldaǵalı, J.Besqulanova syndy shákirtterimizdiń altyn uıa mektebine oralyp, qazirgi tańda ustazdarymen úzeńgiles, áriptes ekendigin maqtan etedi.
Sondaı-aq, ujymdasa bilgenniń utatynyna, úlkenniń kishige izeti, kishiniń úlkenge qurmeti bar jerde birlese tirlik jasap, tamasha nátıjelerge qol jetkizýge bolatynyn gımnazıa ustazdary dáleldep kele jatyr.
Ustaz – bıik ári máńgilik esim. Osynaý uly mamandyq ıesi retindegi eńbekterińiz árqashan elenip, qadir-qasıetterińiz arta bersin! Sizderge densaýlyq, amandyq, baıandy ǵumyr tileımin! Sanaly urpaq qalyptastyrý jolyndaǵy qadamdaryńyz sátti bolsyn! Qanattaryńyz talmasyn, qalamdaryńyz muqalmasyn, shabyttaryńyz sarqylmasyn! Daryndy shákirtterimiz kóp bolsyn!
Sánıa TİLEÝBAI, «Qurmet» ordeniniń ıegeri,
M.Maqataev atyndaǵy №140 gımnazıa dırektory.